Tájikstan Aýǵanstanmen shekaralyq jaǵdaıdyń kúrdelengenin habarlady

DÝShANBE. HOVAR- QazAqparat – Tájikstannyń Ulttyq qaýipsizdik komıteti Aýǵanstanmen shekaralyq jaǵdaıdyń kúrdelengenin málim etti. Bul týraly QazAqparat Tájikstannyń Hovar aqparat agenttigine silteme jasap habarlaıdy.

Tájikstan komıtetiniń habarlaýynsha 2021 jyldyń 3 shildesinde saǵat 18:30-da Hohon ýeziniń Ovez aýyly, Shahrıbýzýrg ýezi jáne Aýǵanstan Islam Respýblıkasy Badahshan provıntsııasynyń Rogıston ýezine qarasty Zırakı aýylyndaǵy jaǵdaıdyń kúrdelengenin málim etti.

Atalǵan aýdandardy «Talıban» qozǵalysy tolyq basyp alǵan. Qaqtyǵystar kezinde «Talıban» sondaı-aq Hohon ýeziniń «Ovez» shekara komendatýrasyn basyp aldy.

Aýǵanstan Islam Respýblıkasy Qarýly kúshteriniń 300-den astam áskerı qyzmetkeri barynsha qarsylyq tanytyp, jeke quramyn saqtap qalý maqsatynda Tájikstan Respýblıkasynyń «Istıklo» 5-shi zastavasy men «Sh.Shohın» shekara jasaǵynyń «Sarıgor» 6-shy zastavasynyń shekarasynyń arasyndaǵy ýchaske arqyly memlekettik shekaradan ótti.

Tájikstan Respýblıkasy shekarashylary izgilik pen tatý kórshilik prıntsıpterin basshylyqqa ala otyryp, sheginip otyrǵan aýǵandyq áskerılerge Tájikstan Respýblıkasynyń aýmaǵyna ótýine ruqsat berdi.

Shekarasynda jaǵdaı Tájikstan Respýblıkasy shekarashylarynyń tolyq baqylaýyna alyndy.

Eske salsaq, buǵan deıin Aýǵanstannan 40-tan astam áskerı Ózbekstan shekarasyn buzyp ótken bolatyn.