Tájik jastaryna Qazaqstan JOO-larynda bilim alýǵa kvota bólinedi
Kezdesý barysynda N.Seıtimov Qazaqstan men Tájikstan arasyndaǵy qarym-qatynastyń strategııalyq seriktestik rýhynda damyp kele jatqandyǵyna qanaǵattanatyndyǵyn atap ótti.
«Kezdesý barysynda taraptar Qazaqstan men Tájikstan arasyndaǵy ekijaqty jáne kópjaqty ózara is-qımyldyń, onyń ishinde Azııadaǵy ózara is-qımyl jáne senim sharalary keńesiniń ataýyn Azııadaǵy qaýipsizdik pen damý uıymy dep ózgertý, Tájikstannyń Azyq-túlik qaýipsizdigi jónindegi Islam uıymy jarǵysyn ratıfıkatsııalaý jáne eki jaqtyń da múddesin qozǵaıtyn ózge de máselelerdi talqylady», - delingen Qazaqstannyń Tájikstandaǵy Elshiligi taratqan aqparatta.
Tájikstan Prezıdenti janyndaǵy Statıstıka agenttigi derekterine sáıkes, 2017 jyldyń birinshi toqsanynda Qazaqstan men Tájikstan arasyndaǵy ózara taýar aılanymynyń kólemi 192,9 mln. dollardy qurap, ótken jyldyń sáıkes kezeńimen salystyrǵanda 39,8 paıyzǵa artqan. Eki eldiń arasyndaǵy mádenı-gýmanıtarlyq baılanystar da qarqyndy damý ústinde.
Osy aıda Dýshanbede bilim kúni sharasy uıymdastyrylyp, onyń aıasynda shamamen qazaqstandyq 30 joǵary oqý orny tanystyrylatyn bolady jáne Qazaqstannyń ýnıversıtetterinde bilim alýǵa kvota bólý úshin tájik jastary arasynda synaq ótkiziledi.