Tájik tarapy Qyrǵyzstannyń shekara zastavalaryna oq jaýdyrdy - QR UQMK
BІShKEK. QazAqparat – Batken oblysynyń Batken aýdanynyń «Golovnoı» eldi mekeninde jaǵdaı shıelenise túsýde. Buǵan deıin Qyrǵyzstan azamattary Isfara-Vorýh tasjolyn jaýyp tastaǵan bolatyn, dep habarlaıdy QazAqparat Kabar agenttigine silteme jasap.
Saǵat 14:05-te taraptardyń áskerı bólimsheleri arasynda «Golovnoı» eldi mekeninde atys bastaldy. Atys barysynda beıbit turǵyndar men Qyrǵyzstan Respýblıkasynyń áskerı qyzmetshileri jaraqat aldy.
Odan ári saǵat 17:00-de tájikter jaǵy «Qapshaǵaı», «Mın-bulaq», «Dostýk» shekara zastavalaryna, sondaı-aq «Qojogar» jáne «Bulaq-Bashı» shekara beketterine oq jaýdyrdy. Mınometten oq atýdyń saldarynan Batken shekara otrıadynyń «Dostýk» shekara zastavasynyń ǵımaraty órtendi.
Tájik qaýipsizdik kúshteriniń áreketine jaýap retinde Qyrǵyzstan Respýblıkasynyń Memlekettik ulttyq qaýipsizdik komıtetiniń Shekara qyzmeti «Borý» arnaıy maqsattaǵy jasaǵy Tájikstan Respýblıkasynyń «Hodja Allo» shekara zastavasyn basyp aldy.
Qyrǵyz-tájik memlekettik shekarasynyń barlyq perımetri boıynsha eki jaqtan qosymsha kúshter men quraldar tartylyp jatyr.
