Tájik-qyrǵyz shekarasynda atys bolyp, eki adam jaraqattandy
ASTANA. QazAqparat - Tájikstan men Qyrǵyzstannyń shekarasynda bolǵan atys saldarynan tájiktiń shekara mańyndaǵy Chorkýh aýylynyń kem degende eki turǵyny jaraqattandy.
Tájikstan jaq birinshi qyrǵyz shekarashylary oq atqanyn aıtyp sendirýde. Alaıda Qyrǵyzstannyń memlekettik shekara qyzmeti shekara qyzmetkerleriniń qarý qoldanǵany týraly habardy joqqa shyǵardy. Kýágerler qyrǵyzdardyń tájiktiń Somonıen aýylynda úılerdi órtegeni týraly faktilerdi habarlap otyr.
Tájik-qyrǵyz shekarasyndaǵy jaǵdaıdyń kúrt kúrdelenýine Tájikstan men Qyrǵyzstan elderiniń shekara mańyndaǵy aýyldardyń turǵyndary arasynda týyndaǵan janjal sebep bolǵan.
Janjalǵa eki jaqtan 200-ge tarta turǵyn qatysqany belgili, dep habarlaıdy sheteldik BAQ.
Qazirgi kezde janjal ornyna ІІM jáne shekara jasaqtarynyń qosymsha kúshteri tartyldy, alaıda olar ázirge jaǵdaıdy baqylaýyna ala almaı otyr.
Shekara mańyndaǵy aýyldarda eki eldiń jergilikti ózin-ózi basqarý jáne organdarynyń ókilderi jáne jamaǵatynyń arasynda kelissózder júrgizilýde.
