Tájik halqyn qorǵaǵan qazaqstandyqtar məńgi jadymyzda - Dýshanbedegi eske alý sharasy
DÝShANBE. QazAqparat - Búgin Dýshanbede tájik-aýǵan shekarasynda áskerı boryshyn oryndaý kezinde 1995 jylǵy 7 sáýirde qaza tapqan qazaqstandyq jaýyngerlerdiń eskertkishine gúl shoqtary qoıyldy. Bul jaıynda Qazaqstannyń Tájikstandaǵy elshiliginiń ókilderi málim etti, dep habarlaıdy QazAqparat.
Іs-sharaǵa Tájikstan Respýblıkasy Qarýly Kúshteri Bas shtabynyń basshylyǵy, Tájikstan ardager-ınternatsıonalıster odaǵynyń, Tájikstanda akkredıttelgen elshilikterdiń áskerı attashe ókilderi, Tájikstannyń Shekara qyzmetiniń ardagerleri, jergilikti BAQ, Qazaqstannyń Tájikstandaǵy elshiliginiń qyzmetkerleri men olardyń otbasy músheleri qatysty.
Qazaqstannyń Tájikstandaǵy elshisi Nurlan Seıtimov qazaqstandyq jaýyngerlerdiń óz ómirlerin qııa otyryp, áskerı boryshtaryn abyroımen atqaryp, áskerı anttaryna adal bolyp qalǵandaryn atap ótti. Qurbandardy este saqtap otyrǵan tájik halqyna alǵysyn bildirdi. Qazaqstan óz batyrlaryn árdaıym joǵary dáripteıdi dep málimdedi.
Tájik tarapynan sóıleýshiler qaza tapqan qazaqstandyq jaýyngerler ózderi qorǵaǵan tájik halqynyń jadynda máńgi saqtalatynyn atap kórsetti. Sondaı-aq Tájikstandaǵy qıyn jyldary qoldaý bildirgeni úshin qazaq halqyna jáne onyń basshylyǵyna zor rızashylyqtaryn jetkizdi.
