Tájik baqtashysy aýylyn tabıǵı apattan qutqaryp qaldy

ASTANA. QazAqparat - Pendjıkent aýdanynyń turǵyny Bobohon Mallahonov Tájikstannyń Tótenshe jaǵdaılar jáne azamattyq qorǵanys komıtetiniń «TJ saldaryn joıýǵa qatysýshy» tósbelgisimen marapattaldy, dep habarlaıdy khovar.tj .

TJK baspasóz ortalyǵynyń basshysy Ýmeda ıÝsýpovanyń aıtýynsha, jergilikti baqtashy Amondar aýylynyń halqyn selden bir saǵat buryn eskertip úlgergen, sonyń arqasynda aýyldastary aman qalǵan.

Tósbelgini Soǵdy oblysynyń tóraǵasy Abdýrahmon Kodırı tabys etti. Óńir basshysy Pendjıkent aýdanynda sel kóshkininen zardap shekken aýyldardy aralaýǵa kelgen bolatyn. Bobohon Mallahonovqa TJK estelik syılyqtaryn berdi.

26 maýsymda bolǵan sel kóshkininen keıin zardap shekken aýyl turǵyndary qaýipsiz jerge kóshirilgen. Olar alǵashqy qajetti turmystyq zattarmen jáne tamaq qamtamasyz etilgen.

Tabıǵı apattyń keltirgen shyǵyn kólemi eseptelgen soń búlingen úılerdi qalpyna keltirý jáne baspanasy tolyq qıraǵan turǵyndarǵa jańa úıler salýǵa oblystyq jáne jergilikti bıýdjetten qajetti qarjy bólinedi.