Tájik azamaty shekaradan 18 tonnadan astam nasybaı ótkizbekke árekettendi
ASTANA. QazAqparat - Pervomaıskıı aýdanyndaǵy halyqaralyq ótkizý pýnktinde shekarashylar Qazaqstannan Reseı aýmaǵyna shamamen 18,6 tonna nasybaı alyp ótpek bolǵan Tájikstannyń 34 jastaǵy azamatyn ustady, dep habarlaıdy «QazAqparat» HAA prooren.ru-ǵa silteme jasap.
Osy fakti boıynsha qylmystyq is qozǵaldy, dep málimdedi Reseı Tergeý komıteti.
Sot bıohımııalyq-fızıologııalyq saraptamasynyń qorytyndysyna sáıkes, nasybaı - densaýlyqqa qaýipti zat. Budan tys Reseı aýmaǵynda nasybaı aınalymyna zańmen tyıym salynǵan.
Tergeý barysynda júk kóliginiń júrgizýshisi óziniń osy qylmysqa qatysy bar ekenin moıyndap, sotqa túsinik bergen. Fıgýrant kepil negizinde bosatylǵan. Qylmystyq tergeý amaldary jalǵasýda.
