Tájik azamaty qomaqty qarjyny Astanadan zańsyz alyp ketpek bolǵan
ASTANA. QazAqparat - «Astana» shekaralyq baqylaý otrıadynyń baqylaýshylary qarjy-qarajatyn jarııalamaı shekaradan ótip ketýge árekettengen 35 jastaǵy Tájikstan azamatyn ustady, dep habarlaıdy QR Shekara qyzmetiniń baspasóz qyzmeti.
Naqtyraq aıtqanda, «Astana - Tashkent» baǵytynda ushqaly turǵan HY 722 halyqaralyq reısin rásimdeý kezinde atalǵan azamattan jarııalanbaǵan 20 400 AQSh dollary, 51 000 ózbek somy jáne 48 malazııalyq rınggıt tabyldy.
Atalǵan derek boıynsha protsessýaldy is-áreketter júrgizilýde.
