Tájik-Aýǵan ýchaskesinde bolǵan áskerılerge anyqtama Shekara qyzmetiniń muraǵatynan beriledi
2020 jylǵy 6 mamyrdaǵy Qazaqstan Respýblıkasynyń №322-VI «Ardagerler týraly» zańyna sáıkes, Tájik-Aýǵan ýchaskesinde TMD-nyń shekarasyn kúsheıtýine qatysqan Qazaqstan Respýblıkasynyń
áskerı qyzmetshileri, basqa elder aýmaǵynda jaýyngerlik is-qımyldarǵa qatysqan ardagerler sanatyna qosylǵan.
«Shekara qyzmetiniń burynǵy áskerı qyzmetshileri jaýyngerlik
is-qımyldarǵa qatysqanyn rastaý anyqtamalaryn alý qajettiligin eskere otyryp, QR UQK Shekara qyzmetiniń muraǵatyna ózdiginen ótinish bildirip Almaty qalasynda Naýryzbaı batyr kóshesindegi 77-úıge habarlasýyna bolady», delingen habarlamada.
Eske sala ketsek, taıaýda Memleket basshysy «Ardagerler týraly» zańǵa qol qoıǵan bolatyn.
Zań jobasynyń negizgi maqsaty – ardagerlerdi áleýmettik qorǵaýǵa baılanysty qoǵamdyq qatynastardy retteıtin zańnamalyq aktilerdi júıeleý, qaıta qaraý jáne ardagerlerdiń jańa sanattaryn qalyptastyrý. Negizgi jańa ózgerister áleýmettik tólemderge qatysty bolyp otyr.
