Tájik-aýǵan shekarasynda qaza tapqan bitimgerlerdi eske alý sharasy ótti (FOTO)

ASTANA. QazAqparat -Búgin Astanada 1995 jylǵy 7 sáýirde tájik-aýǵan shekarasynda jaýyngerlik boryshyn óteý kezinde qaza tapqan Qazaqstan Respýblıkasy Іshki áskeriniń jaýyngerlerin eske alýǵa arnalǵan shara boldy.

parOǵan elimizdiń Іshki ister mınıstrligi men Ulttyq ulannyń basshylary, Parlament depýtattary, qoǵam qaıratkerleri, shetelderdiń áskerı attasheleri, áskerı jáne jergilikti soǵys ardagerleri men kadetter qatysty. Bul týraly Senattyń baspasóz qyzmetinen habarlandy.

Sharada sóz alǵan Senat Tóraǵasynyń orynbasary Sergeı Gromov Dostastyqtyń ońtústik shepterin qorǵap, qaza tapqan qazaqstandyq áskerler erjúrektik pen áskerı antqa adaldyqtyń ónegesi bolǵanyn atap ótti. «TMD-nyń Ujymdyq bitimgershilik kúshteriniń quramynda Qazaqstannyń Tájikstanda bolýy Ortalyq Azııa aımaǵyn turaqtandyrýda mańyzdy másele boldy. Qazaqstannyń áskerı bólimsheleri qarýly qaqtyǵystardyń órshýine ári soǵys qımyldarynyń kórshi elderge taralmaýyna jol bermesten alǵa qoıylǵan jaýyngerlik mindetterin tabysty oryndap shyqty. Tarıhtyń qaıǵyly sabaqtaryn umytpaýymyz jáne qazirgi zamandaǵy qaterlerge qarsy turýǵa ázir bolýǵa tıispiz. Armııa men áleýetti qurylymdar qazirgi kezdegi áskerı jáne terrorıstik qaýipterdiń aldyn alýda jáne boldyrmaýda mańyzdy ról atqarýy kerek», - dedi S.Gromov

Sharaǵa qatysýshylar Taǵzym alleıasyndaǵy eskertkishke gúl shoqtaryn qoıdy. Qaza tapqan áskerlerdiń qurmetine Ulttyq ulannyń astanalyq garnızonynyń quramy saltanatty túrde sappen ótti.