Tájik-aýǵan shekarasynda erlikpen qaza tapqan QR 17 jaýyngerin eske alý maqsatynda qoıan-qoltyq urystan Qazaqstan Kobýgy úshin jarys ótedi

Qazaqstan Respýblıkasy ІІM Іshki áskerleriniń 17 jaýyngerin eske alýǵa arnalǵan Qazaqstan Respýblıkasy Kýbogy úshin qoıan-qoltyq urys boıynsha jarys ótedi. Bul týraly mınıstrliktiń baspasóz qyzmetine málim etti.

Ótken ǵasyrdyń 90-shy jyldary Tájikstan shekarasyn  qarý-jaraq pen esirtki dálizine aınaldyrmaq bolǵan qarýly toptarǵa batyl tosqaýyl qoıǵan qazaqstandyq batalon jaýyngerleriniń erligi el esinde. 1995 jyldyń 7 sáýiri  - Іshki áskerler tarıhyna óshpes iz qaldyrǵan ólsheýsiz erliktiń kúni bolyp sanalady. Dál osy kúni tutqıyldan tap bergen jaýmen bolǵan qandy urysta ishki áskerdiń 17 jaýyngeri qaza boldy. Olar qyrshyn ketse de, aqtyq demi qalǵansha arpalysyp, el namysyn bermedi. Bıylǵy jyldyń 7 sáýiri kúni sol sum shaıqastyń bolǵanyna on jeti jyl toldy.

Eldiń atyn er shyǵarady deıdi qazaq halqy. Jaýyngerlerdiń erligin baýyrlas Tájikstan halqa da biledi, qurmet tutady. Osynyń aıǵaǵy retinde 2007 jyldyń jeltoqsanynda Dýshanbe qalasynda mármár tasty paraqtaryna  qaza bolǵan erlerimizdiń esimi qashap jazylǵan Monýmenttiń ashylǵanyn  aıtýǵa bolady. 2009 jyldyń sáýir aıynda Astana qalasyndaǵy Otan qorǵaýshylar alańynda 17 jaýyngerdiń atyna Estelik alleıasy ashyldy. Osy alańda  jyl saıyn jas sarbazdardyń Otanǵa ant berý saltanatyn ótkizý dástúrge aınaldy.

Olardyń esimderi elimizdegi kósheler men saıabaqtarǵa berildi, áskerı bólimderde eskertkishter ashyldy. Bul oqıǵa týraly estelik kitaby jaryqqa shyqty jáne «Kazbat» derekti fılmi túsirildi.

Áskerde jyl saıyn 17 jaýyngerdiń rýhyna arnalǵan qoıan-qoltyq urys boıynsha Birinshilik ótkizý dástúrge aınaldy. Bıylǵy jyly Qazaqstan Respýblıkasy ІІM Іshki áskerler qolbasshysy general-maıor Rýslan Jaqsylyqovtyń sondaı-aq  Qazaqstan Respýblıkasy Sport jáne dene shynyqtyrý isteri agenttigi men Qazaqstan Respýblıkasynyń qoıan-qoltyq urys boıynsha Federatsııasynyń bastamasymen tájik-aýǵan shekarasynda erlikpen qaza tapqan Qazaqstan Respýblıkasy ІІM Іshki áskerleriniń 17 jaýyngerin eske alýǵa arnalǵan Qazaqstan Respýblıkasynyń qoıan-qoltyq urys boıynsha Kýbogi jarysy alǵashqy ret respýblıka deńgeıinde ótkeli otyr.

Jarystyń basty maqsaty salaýatty ómir saltyn, sporttyń áskerı qoldanbaly túri retinde qoıan-qoltyq úrysty kúsh-qurylymdar men jastar arasynda nasıhattaý, jekpe-jektik kúreske jastardy únemi baýlý bolyp tabylady.

Jarysqa ózderiniń qatysatyndyqtary týraly elimizdiń ár aımaǵynan, kúsh-qurylymdar men áskerı qurylymdardan 17 komanda nıet bildirdi. Olar Tótenshe jaǵdaılar mınıstrliginiń, Іshki áskerler komıtetiniń, Ulttyq qaýipsizdik komıtetiniń, Prezıdent kúzet Qyzmetiniń, Respýblıkalyq ulannyń, Shekara qyzmetiniń, Kedendik baqylaý komıtetiniń, Qylmystyq atqarý  júıesi komıtetiniń, Astana jáne Almaty qalalarynyń, Qaraǵandy, Aqtóbe, Pavlodar, Mańǵystaý, Ońtústik Qazaqstan jáne Aqmola oblystarynyń komandalary.  

Kúres alańyna 150-den asa qoıan-qoltyq urys sheberleri shyǵyp, 9 salmaqtyq dárejelerde beldesedi - 55, 60, 65, 70, 75, 80, 85, 90, 90 keli jáne odan joǵary.

Jarys Іshki áskerdiń elordalyq 5570 áskerı bóliminiń sporttyq-saýyqtyrý kesheniniń negizinde ótedi.

Qazaqstan Respýblıkasynyń  qoıan-qoltyq urys boıynsha Kýboginiń saltanatty ashylýy 2012 jyldyń 14 qyrkúıeginde saǵat 15.00-de ótedi.

Jarystyń ashylý saltanatyna elimizdiń kúsh-qurylymdarynyń birinshi basshylary, Parlament depýtattary, sport komıtetteriniń basshylary, respýblıkalyq jekpe-jek kúresi boıynsha sport uıymdary men buqaralyq aqparat ókilderi qatysady. 

2012 jyldyń 6 qyrkúıeginde saǵat 12.00-de  ártúrli salmaq dárejesindegi jeńimpazdardy marapattaý rásimi ótedi. Jeńimpazdar komandalyq oryndar men jeke birinshilikterde anyqtalady.

Jeńimpaz atanǵan komandalarǵa Kýboktar men dıplomdar, sondaı-aq Qazaqstan Respýblıkasy ІІM Іshki áskerler qolbasshysynyń atynan baǵaly syılyqtar tapsyrylady. Qoıan-qoltyq urystyń chempıondaryna - Kýboktar, medaldar men Dıplomdar tapsyrylady.   

Qazaqstan Respýblıkasynyń qoıan-qoltyq urys boıynsha Kýboginiń Baǵdarlamasy:

13 qyrkúıek

09.00-17.00 - jarysqa qatysýshylardyń kelýi, ornalasýy, mandattyq komıssııa, ólsheý jáne medıtsınalyq baqylaý,  akkredıtatsııalaý.

17.00-20.00  -  Bas tóreshiliktiń alqalyq otyrysy, barlyq salmaq túrinen qatysýshylardyń arasyndaǵy jrebıı.

14 qyrkúıek

10.00-14.00  -  jarystyń birinshi kezeńi.

15.00-15.30  - jarystyń saltanatty ashylýy.

15.30-19.00  - aldyn-ala ótetin úrystar.

15 qyrkúıek 

10.00-14.00 - aldyn-ala ótetin úrystar.

15.00-19.00 - jartylaı fınalǵa deıingi aldyn-ala ótetin urystar.

16 qyrkúıek

10.00-11.30 - jartylaı fınaldyq jáne fınaldyq urystar.

12.00 - jeńimpazdardy marapattaý rásimi, jarystyń jabylýy, qatysýshylardyń qaıtýy.