Tájik-aýǵan shekarasynda erlikpen qaza tapqan 17 jaýyngerdi eske alý kúni ótedi
ASTANA. 6 sáýir. QazAqparat - 7 sáýir kúni Tájik-aýǵan shekarasynda erlikpen qaza tapqan 17 jaýyngerdi eske alý kúni ótedi, dep habarlady QR ІІM Іshki áskerleri baspasóz qyzmetinen.
QR Joǵarǵy Keńesiniń qaýlysyna sáıkes 1993-1999 jyldary aralyǵynda elimizdiń Іshki áskeri jedel maqsattaǵy bóliminiń 2 myńnan astam jaýyngeri men ofıtseri Qazaqstan Respýblıkasynyń jeke atqyshtar batalonynyń quramynda tájik-aýǵan shekarasynda jaýyngerlik mindetterin oryndady. Іshki áskerler jaýyngerleri úshin 1995 jyldyń 7 sáýiri qaıǵyly kúnge aınaldy. Osydan 16 jyl buryn Tájikstan Respýblıkasynyń Pshıhavr taý shatqalynda kúshi basym banda tobymen arada qaqtyǵys oryn aldy.Aıqas barysynda 17 jaýynger qaza taýyp, kópshiligi jaralandy. Degenmen bizdiń jaýyngerler ózderiniń áskerı mindetin abroımen oryndap, áskerı antqa adaldyq tanytty jáne Qazaq batalonynyń abroıyna nuqsan keltirmedi.
Qazirgi ýaqytta Tájikstandaǵy atalǵan taý shatqalynda eskertkish taqta ornatylǵan.
1996 jyly 20 qarashada QR Prezıdentiniń №3227 Jarlyǵymen TMD syrqy shekarasyn qorǵaý barysnyda asqan erlik kórsetip qaza tapqan jaýyngerlerdiń 5-eýi 2 dárejeli «Aıdyn» ordenimen, 12-si «Jaýyngerlik erligi úshin» medalimen marapattaldy.
7 sáýir kúni Otan qorǵaýshylar saıabaǵynda QR ІІM ortalyq apparatynyń, Іshki áskerler qolbasshylyǵynyń basshylarynyń, Májilis depýtattarynyń, ardagerlerdiń, «Nur Otan» HDP ókilderiniń qatysýymen Eske alý alleıasynda gúl shoqtaryn qoıý rásimi men jıyn ótedi.
