Tájaıaqovtyń qorǵaýshylary sot sheshimimen kelispeıdi
ASTANA. QazAqparat - AQSh-ta sotqa tartylyp jatqan qazaqstandyq stýdent Azamat Tájaıaqovtyń qorǵaýshylary alqa bıler sotynyń sheshimimen kelispeıdi, dep habarlaıdy AFP.
21 jastaǵy Tájaıaqov eki pýnkt boıynsha, tergeýge kedergi keltirgeni úshin (20 jyl) jáne sóz baılasqany úshin (5 jyl) kináli dep tanylyp otyr. Endi ol 25 jylǵa bas bostandyǵynan aıyrylýy múmkin. Sot úkimi 16 qazan kúni jarııalanady.
Zańgerlerdiń aıtýynsha, terakti úreıinen áli jazylmaǵan qalada ádil alqa bıler sotyn tabý óte qıyn.
«Bul - biz úshin qatal kún. Mundaı sheshimdi kútken joqpyz. Bomba jarylǵan qaladan ádil alqa bıler sotyn tabý óte qıyn. Biz jazanyń jeńil túrin alýǵa tyrysamyz», - deıdi qorǵaýshy Mettıý Maıers sot protsessinen keıin tilshilerge bergen suhbatynda.
