Táj-Mahal maketin jasaýǵa 420 keli altyn men kúmis jumsaldy
ASTANA. 6 qarasha. QazAqparat - Úndistanda altyn, kúmis jáne almas sekildi baǵaly metaldar men tastardan áıgili Táj-Mahaldyń maketi jasalýda. Maketke 20 keli altyn, 400 keli kúmis jáne 8 tas almas jumsalǵan. Bul týraly muslim.kz saıtynda habarlandy.
«Alla jazsa, Táj-Mahaldyń bul kóshirmesi jyldyń sońyna deıin aıaqtalady dep kútilýde. Jaýharlardan jasalǵan baǵaly qoltýyndy aıaqtalǵan soń, 18 mıllıon dollarǵa baǵalanbaq. Bul týyndymen 35 kisiden turadyn sheberler toby aınalysýda. Makette tupnusqadaǵydaı 20 kúmbez, 32 esik bar. Barlyq kúmbezi men esigi altynnan jasalǵan. Tipti, Táj-Mahaldaǵy Quran aıattary da maketke dál túpnusqadaǵydaı túsken. Aıattardyń durys jazylýy úshin arnaıy din qyzmetkerlerin de shaqyrǵan», - dep jazady Astanadaǵy Áziret Sultan meshitiniń resmı saıty.
Baǵaly metaldardan jasalǵan makettiń jobasyn Star Gems zergerlik fırmasynyń ıesi Seıid Hanıf esimdi azamat jasaǵan. Ol, óziniń aıtýynsha, 22 jyl buryn Táj-Mahaldy alǵash kórgende, kórkine qatty súısingen. Mine, osy týyndysynan 22 jyl boıǵy súısinisin kórýge bolady. Táj-Mahal maketiniń bıiktigi - 105 santımetr, al eni 170 santımetr.
