«TazaQazBot»-qa 44 myńnan astam ótinim túsken
ASTANA. KAZINFORM – Ortalyq kommýnıkatsııalar qyzmetinde ótken brıfıngide QR Ekologııa jáne tabıǵı resýrstar mınıstrligi Ekologııalyq mádenıet jáne saıasat departamentiniń dırektory Dáýlet Esmaǵambetov «Taza Qazaqstan» aktsııasy aıasynda iske qosylǵan @TazaQazBot chat-botynyń jumysy týraly aıtty.
Onyń aıtýynsha, chat-bot iske qosylǵaly beri turǵyndardan 44 myńnan astam ótinim kelip túsken.
– Negizgi ótinimder aýmaqtardy tazalaý, turmystyq qaldyqtardy shyǵarý, kóshelerdi abattandyrý jáne joldardy jóndeý máselelerine qatysty bolǵan. Bul kórsetkishter «Taza Qazaqstan» aktsııasynyń azamattardy ekologııalyq máselelerdi sheshýge tartýdyń tıimdi quralyna aınalǵanyn kórsetedi, – deıdi departament dırektory.
Sondaı-aq chat-bot memlekettik organdar men turǵyndar arasyndaǵy keri baılanysty kúsheıtip, jergilikti jerlerdegi ekologııalyq jáne sanıtarlyq jaǵdaıdy jaqsartý boıynsha sharalardy jedel qabyldaıdy.
– Qazir chat-bottyń taldaý júıesin jetildirý ústinde. Keıin senbilikter ótkiziletin oryndar, qoqys shyǵarý jumystary jáne ózge de ekologııalyq is-sharalar týraly málimetterdi jedel alýǵa múmkindik týady, – deıdi Dáýlet Esmaǵambetov.
Aıta keteıik, buǵan deıin, TazaQazBot chat-botyna astanalyqtardan 600-den asa ótinim túskenin jazǵan edik.
