TazaQazBot chat-botyna astanalyqtardan 600-den asa ótinim tústi
ASTANA. KAZINFORM — Elordada turǵyndardyń ótinishterin qabyldaý jáne óńdeý boıynsha Telegram jelisindegi TazaQazBot chat-boty arqyly belsendi jumys jalǵasyp jatyr, dep habarlaıdy Astana qalasy ákimdiginiń resmı saıty.
— 2026 jyldyń basynan beri onlaın platformaǵa 600-den astam ótinim túsip, onyń 500-den astamy oryndaldy. Turǵyndardyń basym bóligi aýmaqtardy abattandyrý, jaryqtandyrý, jol jóndeý, kógaldandyrý jáne zańsyz qoqys oryndaryn joıý máseleleri boıynsha júgingen. Barlyq ótinim belgilengen merzimde qaralyp, bul turǵyndar úshin qolaısyzdyqtardy barynsha azaıtýǵa múmkindik beredi, — delingen habarlamada.
Tsıfrlyq servısterdiń basty artyqshylyqtarynyń biri — úderisterdiń ashyqtyǵy. Paıdalanýshylar ótinimderiniń mártebesin ár kezeńde qadaǵalaı alady, al jumys aıaqtalǵannan keıin fotoesep alyp, oryndalý sapasyn baǵalaý múmkindigine ıe bolady.
Barlyq ótinim 21 sanat boıynsha bólinedi — aýmaqtardy tazalaý men qoqys shyǵarýdan bastap, jol jóndeý, jaryqtandyrý, kógaldandyrý jáne sý aıdyndaryn tazalaýǵa deıin. Bul ótinimderdi tıisti qyzmetter arasynda tıimdi bólýge múmkindik beredi.
TazaQazBot tsıfrlyq servısterdiń turǵyndar men memleket arasyndaǵy ózara baılanysty edáýir jaqsartýǵa, máselelerge jedel áreket etýge, ákimdikter jumysynyń tıimdiligin arttyrýǵa jáne qala men elde tártip ornatýda naqty nátıjelerge qol jetkizýge qabiletti ekenin aıqyn kórsetip otyr.
Osyǵan deıin Kókshetaýda «Taza Qazaqstan» aktsııasy aıasynda ótken ploggıngke myńnan astam adam qatysqanyn jazdyq.
