Tazalyq saqtamaǵan astanalyq PIK-terge aıyppul salynyp jatyr
NUR-SULTAN. QazAqparat - Elordanyń sanıtarlyq jaǵdaıyn jaqsartý maqsatynda Nur-Sultan qalasy PD basqarmasynyń tabıǵatty qorǵaý polıtsııasy bólimsheleri qaladaǵy tazalyqty saqtaý sharalaryna turaqty qadaǵalaý júrgizýde, dep habarlaıdy QazAqparat tilshisi.
«Máńgilik El dańǵylyndaǵy №49 A turǵyn úıine irgeles aýmaǵyn tazalaýdy qamtamasyz etpegeni úshin QR Ákimshilik quqyq buzýshylyq týraly Kodeksiniń 505-baby boıynsha «Astana JılServıs» JShS qyzmet kórsetýshi kompanııasy ákimshilik jaýapkershilikke tartylyp, kompanııaǵa 40 AEK (101 000 teńge) somasynda aıyppul salyndy», - dep atap ótilgen PD-niń Jergilikti polıtsııa qyzmeti basqarmasynyń málimetinde.
Belgili bolǵandaı, jyl basynan beri qyzmet kórsetiletin úılerdiń aýmaǵynda qatty-turmystyq qaldyqtardan, qoqystardan, qardan tıisti deńgeıde tazalamaǵany úshin, sondaı-aq úılerdiń qasbetterin durys kútip ustamaǵany jáne qoqys jáshikteriniń bolmaýy sebebinen qyzmet kórsetýshi 123 uıym (PIK, TK, JShS) ákimshilik jaýapkershilikke tartyldy. Osy oraıda aıyppuldardyń jalpy somasy 3 mln 500 myń teńgeden asty.
