Tazalyq janashyrlyqtan bastalady
Respýblıkalyq «Taza Qazaqstan» aktsııasy Shymkent qalasynda qarqyndy jalǵasýda. Qaladaǵy barlyq aýdandar tazalyq sharalaryn jan-jaqty júzege asyryp jatyr.
Aıtalyq, qaladaǵy Abaı aýdanynda birqatar ekologııalyq sharalar júzege asyryldy. Osy aýdan aýmaǵyndaǵy Temirlan tas jolynda ornalasqan skverde tazalyq jumystary uıymdastyryldy. Oǵan jalpy 100-den astam aýdan turǵyny, kásipkerler, zııaly qaýym ókilderi, belsendi jastar, eriktiler qatysty.
«Tazalyq — densaýlyq kepili» degen ustanymmen ótken is-sharada aǵash kesý, aqtaý, shóp orý, sýǵarý, qoqystardan tazartý jumystary júrgizildi.
«Memleket basshysy tapsyrmasymen „Taza Qazaqstan“ ekologııalyq aktsııasy bastalǵannan beri aýdan turǵyndary kún saıyn ózderi turatyn kóshe boıyndaǵy aryqtardy, jol jıekterin qoqystan tazartyp, belsendi qatysýda», — deıdi Qyzyljar shaǵyn aýdany ardagerler keńesiniń tóraǵasy Bastarhan Baıjanov.
Qala — ortaq úıimiz. Sondyqtan, onyń kórkeıip, gúldenýine árbir turǵyn beıjaı qaramaı, qoqys-qaldyqtardy kez kelgen jerge laqtyrmaı, taza ustaýǵa atsalysýy qajet.
Abaı aýdany kóleminde júrgizilip jatqan tazalyq jumystaryna barlyq mekeme qyzmetkerleri bir kisideı atsalysyp, árbir ujym bólingen aýmaqtarda, kóshelerde tazalyq jumystaryn qarqyndy júrgizýde.
«Tabıǵatty taza ustaý, qorshaǵan ortanyń tazalyǵyna jaýapkershilikpen qaraý ol sizben bizdiń basty mindetimiz. Osy rette, barsha turǵyndardan eńbekti baǵalaýdy, kólikte, kóshede júrgende beı-bereket qoqys tastamaýdy suraımyz», — dedi Shymkent qalasynyń áıelder isteri jónindegi gendirlik komıssııanyń múshesi, qoǵam belsendisi Tadjıbaeva Orynsha.
Abaı aýdanynda ótken tazalyq is-sharasyna 250-den asa adam qatysty. Bul shara turǵyndardyń tabıǵatqa degen jaqsy qarym-qatynasyn qalyptastyrýǵa jáne qalanyń sanıtarlyq jaǵdaıyn jaqsartýǵa baǵyttaldy.
Al, Shymkent qalasynyń ál-Farabı aýdanyna qarasty Á.Jangeldın kóshesi boıyndaǵy № 28, 30, 32 kóp qabatty turǵyn úılerdiń turǵyndary da Memleket basshysy Q.Toqaevtyń «Taza Qazaqstan» aktsııasy aıasynda ótkizilip jatqan tazalyq jumystaryna belsendilik tanytty.
Turǵyndar «Tazalyq — densaýlyq kepili» degen urandy ustanyp, óz aýlalaryndaǵy aǵashtardyń túpterin ákteý, artyq ósken butalardy qyrqý, shópterdi orý, ırrıgatsııalyq aryqtardy kúl-qoqystan tazalaý jáne oıyn alańshalary men oryndyqtardy syrlaý jumystaryn júrgizdi.
Tazalyq jumystaryna turǵyndarmen birge aýdannyń ardagerleri, belsendi jastarmen qatar kommýnaldyq qyzmetkerler barlyǵy 200-den astam adam atsalysty.
Іs-sharaǵa qatysqan aýdandyq ardagerler keńesiniń tóraǵasy Isamýdın Nashtaıuly Prezıdentimizdiń «Taza Qazaqstan» aktsııasynyń naýqandyq is-shara emestigin, buǵan árbir qala turǵyny beı-jaı qaramaı tazalyq mádenıetiniń ózimizden bastaý qajet ekenin aıtty. Sondaı-aq turǵyndardy óz aýlalaryn taza ustaýǵa, jastardyń tazalyq mádenıetin saqtaýǵa basa nazar aýdarý qajet ekenin jetkizdi.
