Tazalyq saqtamaǵan turǵyndarǵa 3 mln teńge aıyppul salyndy

QONAEV. KAZINFORM - Bul týraly Qonaev qalasynyń polıtsııa basqarmasy málimdedi.

Almaty oblysynyń ákimshilik ortalyǵynda «Taza Qazaqstan» baǵdarlamasy aıasynda qoqys úıindilerin zańsyz jerge tastaǵan, abattandyrý erejesin buzǵan azamattardy ákimshilik jaýapkershilikke tartý qolǵa alynǵan.

- Qala aýmaǵynda, tabıǵat aıasynda tazalyq saqtaý qajettiligi jóninde aqparattyq-túsindirme jumystary júrip jatqanymen, quqyq buzýshylyq sany azaımaı tur. Máselen, 21-27 sáýir aralyǵynda Ortaq paıdalanylatyn oryndardy lastaý babyna sáıkes, 47 hattama toltyrylyp, 1 mln 848 myń teńgeden astam aıyppul salyndy. Odan bólek QR ÁQBtK-niń 505-babyna saı, 111 hattama toltyryldy. Onyń ishinde 20 hattamamen 1 mln 730 myń teńge aıyppul salyndy. Barlyq aıyppul somasy 3 mln 578 myń teńgege jetti, - dep habarlady Qonaev ákimdigi.

Sonymen qatar qala ákimdigi men Polıtsııa basqarmasy tazalyq erejelerin qatań saqtaýǵa shaqyrdy.

Eske salaıyq, buǵan deıin Batystaǵy 3 oblysta brakonerlerge 1,9 mln teńge aıyppul salynǵanyn jazǵanbyz.