«Taza tabıǵat» jobasy: Elimizde 1,8 myń tonnadan astam qoqys jınaldy

NUR-SULTAN. QazAqparat - Búgin «Taza tabıǵat» ulttyq ekologııalyq jobasy aıasynda birqatar óńirde aýmaqty qoqystan tazartý boıynsha «Birge taza Qazaqstan» aktsııasy ótti. Mańǵystaý, Jambyl, Túrkistan, Qyzylorda oblystarynda, sondaı-aq Shymkent qalasynda 1,8 myń tonnadan astam qoqys jınaldy, dep habarlaıdy QazAqparat Ekologııa, geologııa jáne tabıǵı resýrstar mınıstrligine silteme jasap.

Vedomstvonyń habarlaýynsha, aktsııa aıasynda eldi mekenderdiń tóńiregindegi ruqsat etilmegen qoqys tastaıtyn jerlerdi joıý, qalalardyń rekreatsııalyq aımaqtaryn, saıabaq pen alleıalary tazartyldy.

Aýlalardy tazalaý jumystaryna óńirler men uıymdardyń turǵyndary barynsha tartyldy. Oǵan eriktiler, ekobelsendiler, qoǵam belsendileri de qatysty. Qatysýshylar sany shamamen 60 myń adamdy qurady. Bul 5 myńnan astam volonter, 13 myńnan astam memlekettik organdardyń ókilderi, 37 myńnan astam azamat.

Aktsııa barysynda 675 gektar jer tazartyldy. Aıta keteıik, jınalǵan qoqys suryptalyp, qaıta óńdeýge jiberildi. 150 tonnadan astam shyny, 181 tonna plastık, 99 tonna rezeńke, 208 tonna qaǵaz ben karton, 107 tonna metall tapsyryldy.

Esterińizge sala keteıik, búgin elimizde Memleket basshysynyń bastamasymen «Taza tabıǵat» ulttyq jobasy bastaldy. QR Ekologııa, geologııa jáne tabıǵı resýrstar mınıstrligi birqatar óńirlerde aǵash otyrǵyzý, bulaqtar men sý aıdyndaryn, aýmaqtardy qoqystan tazartý boıynsha ekologııalyq aktsııalar ótkizdi.