«Taza sailau» uıymy saılaý qorytyndysyn jarııalady
Qorytyndy nátıjelerin uıym ókilderi búgin Almaty qalasynda, Qazaqstan baspasóz klýbynda ótken baspasóz brıfınginde jarııalady, dep habarlaıdy QazAqparat.
Brıfıng «Balalar qorǵaýda» qoǵamdyq qorynyń quryltaıshysy Janna Ahmetova, saıasattanýshy Edýard Poletaev, PEN-klýbtyń basshysy Bıgeldi Ǵabdýllın, jýrnalıster Mahat Sadyq pen Erqanat Kópjasaruly sóz sóıledi.
«Taza sailau» táýelsiz baıqaýshylar qozǵalysy Qazaqstannyń 25 qalasyndaǵy 3138 saılaý ýchaskesine 5 myńǵa jýyq baıqaýshyny jibergen. Osylaısha, «Taza sailau» 10 myń saılaý ýchaskesiniń 31% - yn qamtydy.
Bıgeldi Ǵabdýllın óz sózinde saılaý ádil jáne taza ótkeni týraly málimdedi.
«Qozǵalys qurylǵan sátten bastap jas saıasatkerdiń onlaın mektebin ashyp, baqylaýshylar úshin oqytý júrgizildi. 2 aı ishinde mektep eriktilerdi oqytý boıynsha onlaın semınarlar men trenıngter ótkizdi», dedi ol.
Janna Ahmetova: «Bizdiń ókilderimiz kúni boıy saılaý barysyn baqylap, daýys berý qorytyndysy boıynsha búkil el boıynsha 500 zańbuzýshylyqty anyqtady, olardyń arasynda Almaty, Nur-Sultan, Shymkent qalalary kósh bastap tur».
Jýrnalıst Erqanat Kópjasar jalpy Nur-Sultan qalasy boıynsha 17 buzýshylyq faktisi anyqtalǵany aıtty.
Mysaly, №335 ýchaskede saılaýshy jas qyzdyń tirkeý jýrnalynda onyń qoly bar ekenin anyqtaǵan kezde fakt tirkeldi. Atalǵan fakti boıynsha akt jasaldy», - dedi ol.
Saıasattanýshy Edýard Poletaevtyń aıtýynsha, táýelsiz baqylaýshylar engizilgen shekteýlerge baılanysty saıası partııalardyń keıbir ókilderi ýchaskelerge kire almady:
«Taza sailau» baıqaýshylary jergilikti jerlerdegi JSÝ ókilderimen daýlasyp, saılaý ýchaskelerinde bolý quqyǵyn dáleldeýge májbúr boldy», - dedi ol.
Sondaı-aq, qatysýshylar zańbuzýshylyqtar Shyǵys Qazaqstan oblysynda da anyqtalǵanyn atap ótti, onda Semeı jáne Óskemen qalalarynyń baıqaýshylary saılaý ýchaskileriniń sýyqtyǵyna shaǵymdanǵan. Bul rette quqyq buzýshylyq anyqtalǵan joq.
Sonymen qatar, Májilis pen túrli deńgeıdegi máslıhattar saılaýy bir mezgilde ótetindikten, saılaýshylarǵa bireýden artyq bıýlleten beriledi.
«Keıbir azamattar bir saılaýshyda birneshe bıýlleten bolǵan kezde túsinbeýshilikter boldy. Biraq «Taza sailau» baıqaýshylary saılaýshylarǵa osyndaı sátterdi túsindirdi, sonyń ishinde áleýmettik jelilerde posttar jarııalady», - dedi Janna Ahmetova.
«TAZA SAILAU» táýelsiz baıqaýshylardyń tirkelmegen azamattyq qozǵalysy áleýmettik jelilerde, atap aıtqanda qoǵamshyl Janna Ahmetovanyń bastamasymen bastalǵan bolatyn.
Bul bastamany qoǵam qaıratkeri Bıgeldi Ǵabdýllın, jýrnalıst Mahat Sadyq, telejýrnalıst Erqanat Kópjasaruly jáne saıasattanýshy Edýard Poletaev qoldady.
