«Taza sailau» 5 myń múshesi saılaý protsesin baqylaýda
Qozǵalys músheleri Janna Ahmetova, Edýard Poletaev, Bıgeldi Ǵabdýllın, Erqanat Kópjasaruly, Nur-Sultan qalasynan onlaın qosylǵan jýrnalıst Mahat Sadyq saılaý týraly oılarymen bólisti.
Qoǵamdyq belsendi Bıgeldi Ǵabdýllın qozǵalys músheleriniń 1 aıda atqarǵan jumysy týraly aıtty.
«Bul qozǵalys Parlament saılaýynan 2 aı buryn quryldy. Osy aralyqta Almatyda 1 kúndik semınar ótkizdik. Ol semınarǵa 25 iri qala ókilderi qatysty. Qazaqstan boıynsha 5000 baıqaýshy daıyndadyq. Olardyń barlyǵy búgin saılaýǵa belsendi qatysady. Sonymen qatar, biz ashqan saıasatkerler mektebi baıqaýshylardyń saıası bilimin shyńdaı tústi», - dedi B.Ǵabdýllın.
Saıasattanýshy Edýard Poletaev «TAZA SAILAU» qozǵalysynyń qurylý maqsatyn aıtty.
«Bizdiń jumysymyzdyń mańyzdylyǵy arandatýshylyqqa jol bermeýde. Sondaı-aq, zańnyń ústemdigin qamtamasyz etý. Biz osylaısha eldiń tutastyǵyna, birligine qyzmet etemiz. Biz saılaý komıssııasynyń quzyrly jumysyna kedergi keltirmeımiz», - dedi Edýard Poletaev.
Aıta ketý kerek, A lmatyda 507 saılaý ýchaskesi tańǵy 07:00-den bastap ashyldy. Daýys berý oryndary «QR Saılaý týraly» zańynyń, Ortalyq saılaý komıssııasynyń talaptaryna saı keledi.
507 ýchaskede 2535 medıtsınalyq qyzmetker: 1014 dáriger, 1521 medbıke jumys isteıtin bolady. Odan bólek keıbir saılaý ýchaskeleriniń janynda Jedel járdem kezekshilik etetin bolady.
Saılaýshylar maskamen kelýge mindetteledi. Eger joq bolsa olarǵa kireberiste maska beriledi. Eger onyń dene qyzýy joǵary bolsa, daýys berýge tyıym salynady.
