«Taza Qazaqstan»: Jetisý oblysynda ECORace ekologııalyq aktsııasy ótkizildi
TALDYQORǴAN. KAZINFORM — ECORace sharasy Balqash kóliniń jaǵalaýynda jáne joldarda ótip, kópshiliktiń belsendi qatysýymen erekshelendi, dep habarlaıdy Jetisý oblysynyń ishki saıasat basqarmasynyń baspasóz qyzmeti.
Atalǵan bastama qorshaǵan ortany qorǵaý mádenıetin qalyptastyrýǵa, ekologııalyq jaýapkershilikti arttyrýǵa jáne azamattardy, ásirese jastardy tabıǵatty aıalaýǵa, tazalyqty saqtaýǵa baǵyttaldy. Іs-shara qoǵamda ekologııalyq sanany nyǵaıtyp, týǵan jer tabıǵatyna degen janashyrlyq kózqarasty qalyptastyrýdy kózdedi.
Shara barysynda arnaıy belgilengen start núktesinde qatysýshylarǵa ekologııalyq aktsııanyń maqsaty men mańyzdylyǵy keńinen túsindirilip, qajetti quraldarmen tolyq qamtamasyz etildi. Árbir qatysýshyǵa qolǵaptar men qoqys jınaýǵa arnalǵan arnaıy qaptar salynǵan qaptar tabystaldy.
Qatysýshylar belgilengen baǵyt boıynsha uıymshyldyqpen qozǵalyp, kól jaǵalaýy men jol boıyndaǵy qoqystardy jınap, olardy fınısh núktesine jetkizip tapsyrdy. Nátıjesinde, avtomobıl joly men jańalaýdyń boıy aıtarlyqtaı tazartylyp, qorshaǵan ortanyń jaǵdaıyn jaqsartýǵa naqty úles qosyldy.
Tabıǵatty qorǵaýǵa degen ortaq umtylys, birlik pen yntymaqtastyq is-sharanyń basty jetistikteriniń birine aınaldy. Qatysýshylar ózderiniń týǵan jerine degen janashyrlyǵyn is júzinde kórsetip, ekologııalyq mádenıettiń mańyzdylyǵyn taǵy bir dáleldedi.
— Bul shara qorshaǵan ortany qorǵaý tek bir rettik aktsııa emes, árbir azamattyń kúndelikti ómir saltyna aınalýy tıis ekenin aıqyndaǵan mańyzdy bastama boldy. Sonymen qatar, joba demalys aımaqtaryn taza ustaýǵa, tabıǵatty qurmetteýge jáne ekologııalyq mádenıetti damytýǵa baǵyttaldy. ECORace ekologııalyq sharasy «Taza Qazaqstan» ıdeologııasyn keńinen dáriptep, qoǵamda ekologııalyq jaýapkershilikti arttyrýǵa jáne turaqty ekologııalyq mádenıetti qalyptastyrýǵa eleýli úles qosty, — dep atap ótti Jetisý oblysy boıynsha «Qazaqstan stýdentteriniń alıansy» ombýdsmeni Aqerke Qyzaıbaı.
