«Taza Qazaqstan»: Ulytaýda 3520 tonna qoqys jınaldy
JEZQAZǴAN. KAZINFORM – 22 shildede Ulytaý oblysynyń barlyq óńirinde «Taza Qazaqstan» jalpyulttyq ekologııalyq baǵdarlamasy aıasynda túrli baǵyttaǵy ekologııalyq is-sharalar uıymdastyryldy.
Bul sharalardyń basty maqsaty – qorshaǵan ortanyń tazalyǵyn saqtaý, turǵyndardyń ekologııalyq sanasyn arttyrý jáne tabıǵatqa janashyrlyqpen qaraýdy nasıhattaý.
Oblys ortalyǵy – Jezqazǵan qalasynda aktsııa aıasynda qala turǵyndary, jastar jáne belsendi azamattar Alǵashqy qurylysshylar alańyndaǵy aǵashtardy sýarý jumystary júrgizip, túpteri qopsytty. Bul sharalar aǵashtardyń ósip-ónýin jaqsartyp, olardyń uzaq ómir súrýine septigin tıgizedi. Turǵyndar tabıǵatty aıalaýdyń mańyzyn túsinip, aldaǵy ýaqytta da aǵashtarǵa turaqty kútim jasap turýǵa daıyn ekendikterin bildirdi.
Sátbaev qalasynda «Taza Qazaqstan» jalpyulttyq ekologııalyq aktsııasy aıasynda jastardyń belsendi qatysýymen birqatar mańyzdy sharalar ótti. Aktsııa barysynda jastar ekologııa taqyrybyna arnalǵan óleńder oqyp, qoǵamǵa tabıǵatty qorǵaý men tazalyqty saqtaýdyń mańyzdylyǵyn nasıhattady. Bul shara jastardyń ekologııalyq mádenıetin arttyryp, qorshaǵan ortaǵa degen jaýapkershilik sezimin qalyptastyrýǵa baǵyttaldy. Sonymen qatar, balalar men jasóspirimderdiń sporttyq-saýyqtyrý aımaǵynda abattandyrý jumystary júrgizildi.
Qarajal qalasynda, Jańaarqa jáne Ulytaý aýdandarynda da «Taza qala», «Taza aýdan» aktsııalary ótti. Bul sharalarǵa kommýnaldyq qyzmetter, turǵyndar, jastar men eriktiler qatysty. Qala men aýdan turǵyndary negizgi kósheler men saıabaqtardy, skverlerdi tazalap, aýlalarynda senbilik jumystaryn uıymdastyrdy. Sonymen qatar, Jańaarqa aýdanynda ekologııalyq tárbıege baǵyttalǵan aqparattyq-túsindirý jumystary júrgizildi.
Qarajal qalasy men Jáırem kentinde ekologııalyq saýattylyqty arttyrý maqsatynda jastar men eriktiler qala turǵyndaryna túrli broshıýralar men kitapshalar taratty. Olar qaldyqtardy qaıta óńdeý, energııa men sýdy únemdeý, tabıǵı resýrstardy saqtaý jáne qoǵamdyq oryndardy lastamaý boıynsha paıdaly keńester berdi. Ulytaý aýdanynda «Embulaq» aýmaǵynda tańǵy saǵattardan bastap tazalyq jumystary júrgizilip, aktsııaǵa aýdan ákimdigi men ishki saıasat bóliminiń qyzmetkerleri, aýyl jastary men turǵyndar jumyla qatysty.
Ulytaý aýdanynda «Embulaq» aýmaǵynda tańǵy saǵattardan bastap tazalyq jumystary júrgizilip, aktsııaǵa aýdan ákimdigi men ishki saıasat bóliminiń qyzmetkerleri, aýyl jastary men turǵyndar jumyla qatysty.
«Taza Qazaqstan» respýblıkalyq aktsııasy aıasynda 2025 jyldyń basynan beri 7 oblystyq jáne 4 qalalyq senbilik ótkizildi. Buǵan qosa, apta saıyn qala men aýdandarda «Taza beısenbi» sharasy ótkizilip keledi.
2025 jyldyń basynan bastap «Taza Qazaqstan» aktsııasyna 40 myńnan astam adam qatysty. Sondaı-aq 712 arnaıy tehnıka birligi jumyldyrylyp, 3520 tonna qoqys shyǵaryldy.