«Taza Qazaqstan»: Ulytaý oblysynda jastarǵa arnalǵan tanymdyq kezdesý uıymdastyryldy
JEZQAZǴAN. KAZINFORM — Ulytaý oblysynda jastarmen «Taza Qazaqstan — elge degen qurmet» taqyrybynda kezdesý ótti, dep habarlaıdy oblys ákimdiginiń baspasóz qyzmeti.
Іs-sharanyń negizgi maqsaty — jastar arasynda ekologııalyq mádenıetti qalyptastyrý, qorshaǵan ortany qorǵaýǵa degen jaýapkershilikti arttyrý jáne týǵan jerdiń tazalyǵyn saqtaýdyń mańyzdylyǵyn nasıhattaý boldy.
— Kezdesý barysynda qorshaǵan ortany qorǵaý, qoǵamdyq oryndardaǵy tazalyqty saqtaý, tabıǵatty aıalaý jáne ekologııalyq mádenıetti qalyptastyrý máseleleri keńinen talqylandy. Sonymen qatar, qatysýshylardyń bilimin shyńdaý maqsatynda «Taza Qazaqstan» taqyrybynda tanymdyq kvız ótkizildi. Kvız barysynda jastar ekologııa, tabıǵatty qorǵaý, qaldyqtardy suryptaý jáne ekologııalyq mádenıetke qatysty suraqtarǵa jaýap berip, óz bilimderi men belsendilikterin kórsetti, — delingen habarlamada.
Іs-shara aıasynda qatysýshylarǵa «Taza Qazaqstan» respýblıkalyq ekologııalyq aktsııasynyń maqsat-mindetteri, qorshaǵan ortany qorǵaý, ekologııalyq mádenıetti qalyptastyrý jáne qoǵamdyq oryndarda tazalyqty saqtaý qaǵıdalary qamtylǵan aqparattyq-túsindirý broshıýralary taratyldy. Sondaı-aq, jastarǵa tabıǵatty aıalaý, ekologııalyq jaýapkershilikti arttyrý jáne týǵan ólkeniń tazalyǵyn saqtaýdyń mańyzdylyǵy jóninde túsindirý jumystary júrgizildi.
Kezdesý sońynda barlyq qatysýshyǵa belsendilikteri úshin alǵys bildirilip, «Taza Qazaqstan» ekologııalyq aktsııasynyń maqsattaryn qoldaýǵa, qorshaǵan ortany qorǵaýǵa jáne eldi mekenderdiń tazalyǵyn saqtaýǵa belsendi atsalysýǵa shaqyryldy.
