«Taza Qazaqstan – tynysy taza ólke»: Jezdi kentinde jastarmen ekologııalyq kezdesý ótti
JEZQAZǴAN. KAZINFORM – Ulytaý oblysynyń Ulytaý aýdanyna qarasty Jezdi kentinde «Taza Qazaqstan – tynysy taza ólke» taqyrybynda jastarmen kezdesý uıymdastyryldy. Іs-shara «Taza Qazaqstan» jalpyulttyq ekologııalyq bastamasy aıasynda ótkizilip, óskeleń urpaqtyń ekologııalyq mádenıetin qalyptastyrýǵa jáne qorshaǵan ortaǵa jaýapkershilikpen qaraý qundylyqtaryn nasıhattaýǵa baǵyttaldy.
Kezdesýdiń basty maqsaty – jastardyń ekologııalyq saýattylyǵyn arttyrý, týǵan ólkeniń tabıǵatyn qorǵaýǵa degen janashyrlyǵyn qalyptastyrý, eldi mekenderdiń tazalyǵyn saqtaýǵa baǵyttalǵan qoǵamdyq bastamalardy qoldaý jáne jastardy qorshaǵan ortany qorǵaý isine belsendi tartý.
Іs-shara barysynda qatysýshylar qorshaǵan ortany qorǵaý, eldi mekenderdiń sanıtarlyq tazalyǵyn saqtaý, turmystyq qaldyqtardy belgilengen oryndarǵa tastaý, qoǵamdyq oryndardy taza ustaý jáne tabıǵı resýrstardy uqypty paıdalaný máselelerin talqylady.
Sonymen qatar jastardyń ekologııalyq aktsııalarǵa, senbilikterge jáne abattandyrý jumystaryna belsendi qatysýynyń mańyzdylyǵyna erekshe nazar aýdaryldy. Tazalyqty saqtaý tek tıisti mekemelerdiń ǵana emes, árbir azamattyń ortaq jaýapkershiligi ekeni atap ótildi.
Kezdesýge qatysýshylar týǵan jerdiń tazalyǵy men kórkeıýi ár adamnyń kúndelikti is-áreketinen bastalatynyn jetkizip, qorshaǵan ortaǵa janashyrlyq tanytý, tabıǵatty aıalaý jáne qoǵamdyq oryndarda tazalyq mádenıetin saqtaý qajettigin atap ótti.
«Taza Qazaqstan» bastamasy – qorshaǵan ortany tazartýǵa baǵyttalǵan sharalar jıyntyǵy ǵana emes, qoǵamda ekologııalyq jaýapkershilik pen tazalyq mádenıetin qalyptastyrýǵa negizdelgen mańyzdy qoǵamdyq qozǵalys.
Mundaı kezdesýler jastardyń azamattyq belsendiligin arttyrýǵa, ekologııalyq qundylyqtardy keńinen nasıhattaýǵa jáne týǵan ólkeniń tazalyǵy men kórkeıýine úles qosýǵa yntalandyrady.
Aldaǵy ýaqytta da «Taza Qazaqstan» jalpyulttyq bastamasy aıasynda jastardyń qatysýymen ekologııalyq mádenıetti qalyptastyrýǵa jáne qorshaǵan ortany qorǵaýǵa baǵyttalǵan jumystardy jalǵastyrý mańyzdy.
