Taza Qazaqstan Telegram-botyna 4 myńnan asa ótinim túsken
ASTANA. KAZINFORM — @TazaQazBot Telegram-boty — turǵyndarǵa ekologııa jáne abattandyrý salasyndaǵy máseleler týraly tikeleı habarlaýǵa múmkindik beretin yńǵaıly tsıfrlyq servıs, dep habarlaıdy Ekologııa jáne tabıǵı resýrstar mınıstrliginiń baspasóz qyzmeti.
Atalǵan servıs 2024 jyldyń maýsym aıynda iske qosylyp, búginde memlekettik organdarmen baılanys ornatýdyń tıimdi ári keńinen qoldanylatyn arnasyna aınaldy. Ótinim joldaý úshin Telegram qosymshasynda chat-botqa kirip, avtorızatsııadan ótip, máseleniń fotosyn tirkep, naqty mekenjaıyn kórsetip, qysqasha sıpattama qaldyrý jetkilikti. Ótinim avtomatty túrde tıisti organdarǵa joldanyp, artyq qońyraýlar men qosymsha júginýlerdi qajet etpeıdi.
Platformanyń basty artyqshylyqtarynyń biri — ashyqtyq. Paıdalanýshy árbir ótinimniń oryndalý mártebesin baqylap otyra alady. Jumys aıaqtalǵannan keıin fotoesep usynylyp, kórsetilgen qyzmettiń sapasyn baǵalaý múmkindigi beriledi.
— Barlyq ótinim 21 sanat boıynsha jikteledi. Olardyń qatarynda aýmaqtardy tazalaý, qoqys shyǵarý, joldardy jóndeý, jaryqtandyrý, kógaldandyrý jáne sý aıdyndaryn tazartý sııaqty baǵyttar bar. Bul óz kezeginde ótinimderdi jedel óńdeýge jáne tıisti qyzmetterge naqty baǵyttaýǵa múmkindik beredi. 2025 jyldyń qorytyndysy boıynsha chat-bot arqyly 26 myńnan astam ótinim túsip, onyń 24 myńnan astamy sátti oryndalǵan. Eń kóp suranysqa ıe baǵyt — aýmaqtardy tazalaý, — delingen habarlamada.
2026 jyldyń birinshi toqsanynda 4 myńnan astam ótinim kelip tústi, olardyń basym bóligi búginde oryndaldy.
@TazaQazBot tsıfrlyq servısterdiń turǵyndar men memleket arasyndaǵy ózara baılanysty jaqsartýdaǵy, máselelerge jedel áreket etýdegi jáne jergilikti atqarýshy organdar jumysynyń tıimdiligin arttyrýdaǵy mańyzyn aıqyn kórsetedi.
Osyǵan deıin «Qazgıdrogeologııa» 700-den astam jańa bulaq tapqanyn jazǵan edik.
