Taza Qazaqstan taza qaladan bastaldy
ORAL. KAZINFORM - Oralda «Taza Qazaqstan» aktsııasy bastaldy. Kásiporyndar, qala turǵyndary men belsendiler shahardyń shyraıyn kirgizý jumysyna jumyla kiristi. Súıikti qalasynyń sánin kirgizsek degen turǵyndar abattandyrý jumysyn qalanyń shetkeri aýdandarynan bastady.
Atalǵan aktsııaǵa eki myńnan astam turǵyn, 50-den astam tehnıkka jumyldyryldy. Oral qalasy turǵyn úı kommýnaldyq sharýashylyǵy bóliminiń basshysy Azamat Halelovtyń aıtýynsha, tazalaý kezinde shahardyń shetkeri aýdandaryna erekshe kóńil bólindi. Sondaı-aq kópqabatty turǵyn úılerdiń aýlalaryn abattandyrý isi de basty prıorıtetterdiń biri bolmaq. Tozyǵy jetken balalar oıyn alańdary jańartylyp, tal egilip, eskertkishter jańartylady. Bulaq kózderin ashýǵa da belsendiler men qala turǵyndary atsalysatyn bolady.
«Súıikti qalamyzdyń tazalyǵy barlyǵymyzǵa ortaq is. Senbilikke shyǵyp, ıgi iske úlesin qosyp jatqan ár turǵyn Otanymyzdyń gúldenýine úlken úles qosyp jatyr. Barlyǵymyzǵa belgili bul aktsııa Memleket basshysynyń tapsyrmasymen 8 sáýirde bastaldy. Qalalar men aýyldyq eldi mekenderdi jınaý, abattandyrý jáne kógaldandyrý jumysy ár qazaqstandyqtyń abyroıly mindeti. Jyl sońyna deıin sozylatyn aktsııaǵa belsendi qatysýǵa shaqyramyn», – dedi senbilikke kelgen oblys ákiminiń orynbasary Baqytjan Narymbetov.
Aıta keteıik tazalyq naýqanynyń alǵashqy aptasy «Taza ólke» dep atalady. Bastapqy jeti kún ishinde eldi mekenderdiń turǵyndary, qoǵam belsendileri, uıymdar men kəsiporyndardyń qyzmetkerleri irgeles aýmaqtar men belgilengen aýlalardy tazalaıdy. Odan sońǵy aptaǵa «Kıeli meken» ataýy beriledi. Bul kúnderi tarıhı-mədenı eskertkishter aýmaǵyn abattandyrý jumystary júrgiziledi.
Al «Jasyl aımaq» atalatyn úshinshi aptada kóshetter otyrǵyzylady jəne aǵashtar əkteledi. «Ónegeli urpaq» dep atalatyn aptada ardagerler men qarttardyń aýlalaryna tazalyq júrgizilip, olardy abattandyrýǵa kómek kórsetiledi. Odan soń el bolyp, «Móldir bulaq» ataýy berilgen aktsııanyń sońǵy, besinshi aptasynda sý aıdyndary – ózender men kólderdiń aınalasy qoqystan tazartylady.
