«Taza Qazaqstan»: ShQO-da 123 myń aǵash otyrǵyzylady
ÓSKEMEN. KAZINFORM – «Taza Qazaqstan» ekologııalyq aktsııasy aıasynda shyǵysqazaqstandyqtar belsendilik tanytyp, 20 myń kóshet otyrǵyzyp jatyr.
Qazir oblys kóleminde kógaldandyrý jumysy qarqyndy júrgizilýde. Osy jyly 123 myńǵa jýyq aǵash otyrǵyzý josparlanǵan.
ShQO ákimi baspasóz qyzmetiniń málimetine súıensek, búgin Óskemen qalasynda «Qazaqstan» taýynyń eteginde atalǵan aktsııa aıasynda senbilik ótip, aǵash kóshetteri otyrǵyzyldy. Іs-sharaǵa qala qonaqtary, eriktiler, memlekettik organ ókilderi men jeke kásiporyn ujymdary qatysty.
«Otanǵa, eline degen mahabbat tazalyqtan jáne eńbekqorlyqtan bastalýy qajet. Sondyqtan búgingi biregeı shara jastar arasynda dástúrge aınalyp qana qoımaı, óskeleń urpaqqa jaqsy úlgi bolady degen senimdemin», - dedi oblys ákimi Ermek Kósherbaev.
Shyǵysqazaqstandyqtar «Taza Qazaqstan» aktsııasyna qatysyp, belsendilik tanytyp jatyr. Aktsııanyń birinshi aptalyǵy «Taza ólke» aıasynda 21,4 myń aýla tazalanyp, 6 myń tonnadan astam qoqys shyǵaryldy.
«Kıeli meken» aptalyǵynda 161 qoǵamdyq oryn, skver jáne 136 eskertkish tazalandy. Al «Ónegeli urpaq» aptasynda oblystaǵy ardagerler men qarttardyń aýlasy tazalanyp, senbilikter ótedi. Qorytyndy «Móldir bulaq» aptalyǵynda aryqtar men bulaq kózderi tazalanbaq.