«Taza Qazaqstan»: ShQO-da 120-dan astam qoqys úıindisi anyqtaldy
ÓSKEMEN. KAZINFORM — Shyǵys Qazaqstan oblysynda «Taza Qazaqstan» ekologııalyq aktsııasy aıasynda 6 myńǵa jýyq quqyq buzýshylyq anyqtaldy.
ShQO polıtsııa departamenti baspasóz qyzmetiniń málimetine súıensek, ekologııalyq mádenıetti qalyptastyrýǵa baǵyttalǵan respýblıkalyq ekologııalyq aktsııa aıasynda tártip saqshylary abattandyrý erejeleri men qoǵamdyq tártiptiń saqtalýyn qatań baqylaýǵa aldy.
— Óńir kóshelerinde kún saıyn tekserýler júrgizilip, beınebaqylaý kameralary men zamanaýı monıtorıng júıeleri paıdalanylyp jatyr. Osy jyldyń basynan beri 6 myńǵa jýyq ákimshilik quqyq buzýshylyqty anyqtady. Onyń ishinde 4,8 myńǵa jýyǵy aýmaqtardy abattandyrý erejelerin buzýǵa qatysty bolsa, taǵy bir myńnan astamy jalpy paıdalaný oryndaryn lastaýǵa baılanysty, — delingen aqparatta.
Sonymen qatar oblys aýmaǵynda 120-dan astam ruqsat etilmegen qoqys úıindileri anyqtalyp, árbir fakti boıynsha tıisti sharalar qabyldandy.
Eske salsaq, osyǵan deıin Aqtóbede zańsyz qoqys alańdaryn ýaqytyly tazartpaǵan ákimdik qyzmetkerleri jaýapqa tartylǵany habarlanǵan.
