«Taza Qazaqstan»: PІB ujymy senbilikke shyqty
ASTANA. KAZINFORM – Búgin QR Prezıdenti Іs basqarmasynyń ujymy «Taza Qazaqstan» respýblıkalyq ekologııalyq aktsııasy aıasynda senbilikke shyqty.
Іrgeli ujymnyń músheleri elordadaǵy Botanıkalyq baqta ózderine berilgen aýmaqta jóke men shegirshin aǵashtarynyń kóshetterin otyrǵyzyp, bas qalany jasyldandyrý isine atsalysty.
Іs basqarmasyna qarasty mekemeler de aktsııaǵa belsene qatysyp, qalanyń saıabaqtaryna tal otyrǵyzý, qoqystan tazartý jumystaryna úles qosqanyn aıta keteıik.
Qazirgi tańda elimizde Memleket basshysynyń bastamasymen qolǵa alynǵan «Taza Qazaqstan» aktsııasynyń úshinshi aptasy ótip jatyr. Ekologııalyq is-sharanyń ár aptasy belgili bir taqyrypqa arnalǵan. Osy aptada «Jasyl aımaq» taqyryby boıynsha aǵash kóshetterin otyrǵyzý, ekpelerdi ákteý jumysy júrip jatyr.
