Taza Qazaqstan: Kókshetaýda 9 myńǵa jýyq aǵash otyrǵyzyldy
KÓKShETAÝ. KAZINFORM — Kókshetaýda «Taza Qazaqstan» jalpyrespýblıkalyq aktsııasy aıasynda «Jasyl aımaq» aptalyǵy ótip jatyr.
Aqmola oblysy Іshki saıasat basqarmasynyń Jastar-resýrstyq ortalyǵy uıymdastyrǵan shara qala turǵyndary men týrısterdiń, ásirese jastardyń ekologııalyq mádenıetin arttyrý, «Adal adam — Adal eńbek — Adal tabys» tujyrymdamasy negizinde patrıotızmge, tabıǵatqa, qorshaǵan ortaǵa uqypty qaraý qundylyqtaryn dáripteýge baǵyttalǵan.
«Aktsııaǵa Aqmola oblystyq máslıhatynyń depýtaty Ýmar Shonazarov, Aqmola oblysy Іshki saıasat basqarmasy qyzmetkerleri men oblystyq Jastar-resýrstyq ortalyǵy, sondaı-aq, oblys ortalyǵyndaǵy oqý oryndarynyń 100 astam stýdenti qatysty. Biz barsha jastardy qorshaǵan ortamyzdy, tabıǵatymyzdy taza ustaýǵa shaqyramyz» — dep atap ótti Aqmola oblysy jastar-resýrstyq ortalyǵynyń basshysy Dastan Ermekov.
Aktsııa barysynda «Buqpa» orman sharýashylyǵy aýmaǵynda 2 gektar aýmaqqa 9 myńǵa jýyq aǵash otyrǵyzyldy.
Eske salaıyq, QR Prezıdentiniń Teleradıokesheni ujymy «Taza Qazaqstan» ekologııalyq aktsııasyna qatysty.
