«Taza Qazaqstan»: ekologııa, sý men energetıkaǵa uqypty bolý tujyrymdamasy qolǵa alynady

ASTANA. KAZINFORM — Mádenıet jáne aqparat mınıstri Aıda Balaeva «Taza Qazaqstan» respýblıkalyq ekologııalyq aktsııasyna qatysty pikir bildirdi. 

— Qoǵamdyq eko-mádenıetti jańǵyrtý mańyzdy máselelerdiń biri. Osy oraıda «Taza Qazaqstan» jalpyulttyq bastamasy aıasynda júıeli jumystar jalǵasyp jatyr. Biz ekologııalyq mádenıetti qalyptastyrý jáne sý men energetıkalyq resýrstarǵa uqypty qaraý jónindegi biryńǵaı tujyrymdamany júzege asyramyz, — dedi Aıda Balaeva elordada ótken ardagerler keńesiniń plenýmynda. 

Mınıstrdiń málimetinshe, respýblıkalyq aktsııa aıasynda 90 myń volonterdiń qatysýymen 15 myńnan astam ekologııalyq is-shara uıymdastyryldy. 

— Qoǵamdyq keńesterdiń qatysýymen eko-baqylaý aktsııalary ótti. BAQ-ta arnaıy aqparattyq naýqan júrgizilip jatyr, — deıdi vedomstvo basshysy.

Memleket basshysy Qasym-Jomart Toqaev bıyl Býrabaıda ótken Ulttyq quryltaıdyń IV otyrysynda «Taza Qazaqstan» týraly — ár adamnyń kúndelikti daǵdysy, ómir salty bolýy qajet» degen edi. 

Aıta keteıik, «Taza Qazaqstan» ekologııalyq aktsııasy aıasynda bir jylda 1,6 mln túp aǵash egildi. 

Byltyr «Taza Qazaqstan» aktsııasynda mıllıon tonnaǵa jýyq qoqys shyǵaryldy.