«Taza Qazaqstan» bastamasyna 10 mıllıonnan astam adam qatysty
ASTANA. KAZINFORM — Respýblıka boıynsha 1 myńnan astam ekologııalyq aktsııa ótkizildi, dep habarlaıdy Úkimettiń baspasóz qyzmeti.
Prezıdenttiń «Ádiletti Qazaqstan: zań men tártip, ekonomıkalyq ósim, qoǵamdyq optımızm» Joldaýyn jáne Memleket basshysynyń ózge de tapsyrmalaryn júzege asyrý sheńberinde «Taza Qazaqstan» ekologııalyq bastamasy bastalǵannan beri respýblıka boıynsha 1 myńnan astam ekologııalyq aktsııa ótkizildi, oǵan 10,4 mln-nan astam adam qatysty, onyń ishinde 586 myń erikti.
— Jalpy 1,6 mln tonnadan astam qaldyq jınalyp, 859,6 myń ga aýmaq tazartyldy, — dep naqtylady Erlan Nysanbaev.
«Taza Qazaqstan» bastamasy azamattardyń júıeli kózqarasy, saıası erik-jigeri men belsendi qatysýy naqty jemisin bere alatynyn kórsetti. El turaqty ekologııalyq damý baǵytyn aıqyndap alǵa basady, bastama árbir turǵynnyń qorshaǵan orta úshin jaýapkershilik mádenıetin qalyptastyrý úshin berik negiz jasaıdy.
Buǵan deıin pılottyq negizde Astana men Jezqazǵan mektepterine 1000-nan asa ekoboks ornatylatynyn jazǵanbyz.