Taza Qazaqstan: Astanadaǵy mektepterde «Jasyl klýb» jobasy iske qosyldy
Astana qalasynda oqý oryndarynyń ishinde oqýshylarǵa arnalǵan zamanaýı qoqys jáshikteri ornatyldy, dep habarlaıdy elorda ákimdiginiń resmı saıty.
Shyny, qaǵaz, plastık salatyn ártúrli túste jáne qumyralar men bótelkelerdi qaıta óńdeýge arnalǵan jáshikter tazalyqty saqtaýǵa, balalarǵa qorshaǵan ortany lastamaýdy eskertip tur.
«Jasyl klýb» jobasy boıynsha iske asqan bul joba qaladaǵy 20 mektepte bar. Jobanyń maqsaty – oqýshylardyń tabıǵatqa degen qundylyq qatynasyn qalyptastyryp, qorshaǵan ortany qorǵaý máseleleri boıynsha olardyń ekologııalyq saýatyn arttyrýǵa yqpal etý.
Alǵash bolyp №103 orta mektebine qoıylǵan qoqys jáshikteri oqýshylarǵa yńǵaıly etip oqý ordasynda ár synyp pen dálizderge qoıylǵan.
«Bul – oqýshylardy qorshaǵan ortaǵa qamqorlyq jasaýǵa jáne jaýapkershilikpen qaraýǵa úıretýdiń tamasha tásili. Qazirgi tańda balalardyń kózi úırenip, qoqys salatyn jáshikter lezde tolady», - deıdi mektep dırektory Janat Turysbekqyzy.
Aıta keteıik, «Taza Qazaqstan» aktsııasy aıasynda Astana mektepterinde birqatar bastama bastaý aldy. Ustazdar men oqýshylar birigip, qorshaǵan ortanyń tazalyǵy úshin ártúrli jobalardy atqaryp jatyr. Bolashaqta odan ári jańa jobalardy iske asyrý qala mektepterinde josparlanyp otyr.
Elordada «Taza Qazaqstan. Astana – tazalyq pen tártiptiń úlgisi» aýqymdy ekologııalyq aktsııasy ótip jatyr.
Ekoaktsııa aıasynda qalada nóser jáne aryq káriz jelilerin sanıtarlyq tazalaý, kóshelerdi, trotýarlardy, kvartalishilik aýmaqtardy, qoǵamdyq keńistikter men aýlalardy tazalaý jumystary júrgizilip jatyr.