Taza Qazaqstan: Astanada Nura-Esil boıy qoqystan tazartyldy
ASTANA. KAZINFORM — Astanada «Jasyl El» jobasy jastarynyń qatysýymen «Taza Qazaqstan» jalpyulttyq ekologııalyq bastamasy aıasynda Nura-Esil kanalynyń jaǵalaýynda aýqymdy ekoaktsııa ótti, dep habarlaıdy elorda ákimdiginiń resmı saıty.
Ekologııalyq aktsııa Jastar saıasaty máseleleri basqarmasy men Esil aýdany ákimdiginiń uıymdastyrýymen ótti.
Іs-shara aıasynda 50-den astam Jasyl El jastary Nura ózeniniń boıyn qoqystan tazartyp, aýmaǵyn tazalap, qoqys jınady, sanıtarlyq tazalyq jumysyn júrgizdi.
— Bul aktsııa arqyly biz kóktemgi senbilikterge serpin berip, tabıǵatty qorǵaý ár azamattyń ortaq mindeti ekenin kórsetkimiz keledi. Mundaı ıgi bastamalar ásirese jastardyń belsendiligin arttyryp, olardyń qoǵamǵa degen janashyr kózqarasyn qalyptastyrýda mańyzdy ról atqarady, — dedi «Jasyl El» jobasynyń orynbasary Asylbek Abdýrashıtov.
Aıta keteıik, bıyl «Jasyl El» eńbek jasaqtarynyń XXIІ eńbek maýsymy bastaldy. Joba aıasynda elorda boıynsha 5200-den astam 14 pen 35 jas aralyǵynda jastar jumyspen qamtamasyz etiledi. Olar qalamyzdyń qurylys nysanyndaryna, qala mańyndaǵy «jasyl beldeýde», áleýmettik nysandardy, jalpy bilim beretin mekemeler aýmaǵynda, qala saıabaqtaryna, kógaldandyrý jumysyna jumyldyrylady.
Buǵan deıin «Taza Qazaqstan» aktsııasy aıasynda Jetisý oblysynda 300-ge jýyq aýla abattandyrylǵanyn jazdyq.
