«Taza Qazaqstan»: Astanada Esil ózeniniń jaǵasynda ekologııalyq is-shara ótti

ASTANA. KAZINFORM – Astanada eriktiler Esil ózeniniń jaǵasyn qoqystan tazartty. Bul týraly Astana qalasy ákimdiginiń baspasóz qyzmeti habarlady. 

Bul is-shara «Taza Qazaqstan. Astana — tazalyq pen tártiptiń úlgisi» aýqymdy ekoaktsııasy aıasynda ótti.

Іs-sharany Tájirıbeshil ekologtar qaýymdastyǵy uıymdastyryp otyr. Sondaı-aq tazalyq jumysyn júrgizýge «Astana jastary» jastar resýrstyq ortalyǵynyń 20-dan astam belsendi eriktisi qatysty.

— Elordanyń osy qoǵamdyq oryndarynda serýendegen kezde tazalyq jumysyn júrgizý qajettigin bildik. Sodan búgin eriktilermen birge aınalany kúl-qoqystan tazarttyq. Birneshe saǵat ishinde 20-dan astam qapshyq qoqys jınaldy. Ózderińizge málim, munda balyq aýlaýshylar kóp keledi. Olar ózen mańynda qoqys konteınerleri bolmaǵandyqtan, zattaryn tastap ketedi.

Sondyqtan bul aımaqqa qoqys tastaýǵa arnalǵan konteınerlerdi kóbirek ornalastyrý qajet.

Búgingi is-sharaǵa qatysqan eriktilerge de alǵysymdy bildiremin, — dedi Tájirıbeshil ekologtar qaýymdastyǵynyń tóraıymy Laýra Malıkova.

«Taza Qazaqstan» jalpyulttyq ekologııalyq aktsııasy byltyr kóktemde bastaý alǵan. Osylaısha ol búkil el aýmaǵynda jalǵasqan keń aýqymdy sharaǵa aınaldy.

Atalmysh aktsııa elorda ómiriniń ajyrmas bóligine aınalyp otyr. Osyndaı is-sharalar arqyly óskeleń urpaqty ekologııalyq mádenıetke baýlýǵa bolady.

Aıta ketelik elordada jańa býynǵa arnalǵan Zara’s Planet ekokvesti ótken edi.