«Taza Qazaqstan»: Almaty polıtsııasy tabıǵatty lastaýshylarǵa aıyppul sala bastady
ALMATY. QazAqparat - Almaty polıtsııasy turǵyndarǵa tabıǵatty lastaǵany úshin aıyppul sala bastady,– dep habarlaıdy QazAqparat tilshisi.
Qorshaǵan ortany qorǵaý jáne onyń lastanýynyń aldyn alý maqsatynda qazirgi ýaqytta qala aýmaǵynda ekologııalyq zańnamany buzýshylardyń áreketterin anyqtaýǵa jáne jolyn kesýge baǵyttalǵan «Taza Qazaqstan» jedel-aldyn alý is-sharasy ótkizilip jatyr.
«Sońǵy kezderi jeke azamattar men zańdy tulǵalar ózderiniń ekologııalyq mádenıeti tómen bolǵandyqtan, óz áreketterimen Qazaqstan Respýblıkasynyń ekologııalyq zańnamasyn buzatyn, osylaısha qorshaǵan ortaǵa úlken zııan keltiretin jaǵdaılar jıilep ketti. Jaqynda, reıd sharasy kezinde Almaly aýdanynyń ekologııalyq polıtsııasynyń qyzmetkerleri kópqabatty úılerdiń aýlalarynyń birinde abattandyrý, jasyl alańdardy kútip ustaý jáne qorǵaý erejeleri óreskel buzylǵanyn anyqtady. Merdiger aýlada jóndeý jumystaryn júrgizdi, zań normalaryn saqtamaı, ruqsatsyz aǵashtardy kesýmen aınalysty, sonymen qatar qoldanystaǵy zańnamada ruqsat etilmegen qurylys qaldyqtaryn jasyl alańda saqtady. Osy ýchaskedegi jóndeý jumystaryna qatysqan merdigerler QR ÁQbK-niń 386 jáne 505-baptary boıynsha ákimshilik jaýapqa tartyldy», – dedi Almaty PD Jergilikti polıtsııa qyzmeti basqarmasynyń bastyǵy Manap Sattarov.
Sondyqtan, Polıtsııa departamenti qala aýmaǵynda jáne onyń shetinde ruqsatsyz qoqys tastaýǵa tyıym salynǵanyn eskertedi.
