Taza Qazaqstan: Almatyda «Qaǵaz boom» ekologııalyq aktsııasy ótti
ALMATY. KAZINFORM — 2025 jylǵy 14 qarasha kúni Jetisý aýdanynyń komıýnıtı-ortalyǵynda «Taza Qazaqstan» respýblıkalyq aktsııasy aıasynda «Qaǵaz boom» ekologııalyq sharasy uıymdastyryldy.
Sharanyń negizgi maqsaty — qoǵamda ekologııalyq mádenıetti damytý, qaldyqtardy suryptaý daǵdylaryn qalyptastyrý jáne turǵyndardyń ekosana deńgeıin arttyrý.
Aktsııaǵa aýdan turǵyndary, jastar jáne stýdentter belsendi qatysyp, qajetsiz gazet, jýrnal, karton jáne keńse qaǵazdaryn tapsyrdy. Nátıjesinde shamamen 2 tonnaǵa jýyq makýlatýra jınalyp, arnaıy qabyldaý pýnktine jóneltildi.
— Qorshaǵan ortany qorǵaý — barshamyzǵa ortaq jaýapkershilik. Búgingi «Qaǵaz boom» aktsııasyna turǵyndardyń belsendi qatysýy olardyń ekologııalyq mádenıetiniń artyp kele jatqanyn kórsetedi. Biz aldaǵy ýaqytta da ekologııalyq bastamalardy damytyp, jastardy tabıǵatty aıalaýǵa baýlýdy jalǵastyramyz, — dedi Jetisý aýdany komıýnıtı ortalyǵynyń jetekshisi Esen Abdıhalyq.
Uıymdastyrýshylardyń aıtýynsha, mundaı ekologııalyq sharalar aldaǵy ýaqytta da turaqty túrde ótkizilip, turǵyndardy tabıǵatty qorǵaý mádenıetine keńinen tartýǵa múmkindik beredi.