«Taza Qazaqstan» aktsııasy: «Jasyl aımaq» aýmaǵyna myńǵa jýyq qaraǵaı kósheti otyrǵyzyldy
ASTANA. KAZINFORM - 11 qazan 2025 jyly «Taza Qazaqstan» respýblıkalyq ekologııalyq aktsııasy aıasynda Aqmola oblysynda ornalasqan RMK «Jasyl aımaq» mekemesiniń Qyzyljar ormanshylyǵy aýmaǵynda 1000-ǵa jýyq kádimgi qaraǵaı kósheti otyrǵyzyldy.
QR Ekologııa mınıstrligi baspasóz qyzmetiniń habarlaýynsha, aktsııanyń negizgi maqsaty – elimizdiń orman qoryn ulǵaıtý, ekologııalyq mádenıetti qalyptastyrý jáne azamattar arasynda qorshaǵan ortaǵa uqypty qaraý men jaýapkershilikti arttyrý.
-Osyndaı bastamalar halyqtyń tabıǵatqa degen qurmeti men qamqorlyǵyn arttyrýǵa yqpal etedi. Búgin otyrǵyzylǵan árbir kóshet – bolashaq urpaqqa amanat, erteńgi jasyl Qazaqstannyń senimdi negizi. Bul ıgi is-shara eldiń ekologııalyq qaýipsizdigin qamtamasyz etýge úles qosady,-delingen habarlamada.
Aıta keteıik, búgin Memleket basshysy Qasym-Jomart Toqaev «Taza Qazaqstan» ekologııalyq aktsııasyna qatysty.