«Taza Qazaqstan» aktsııasy: «Aısha bıbi» kesenesiniń aýmaǵy tazartyldy
TARAZ. KAZINFORM - Búgin elimizde «Taza Qazaqstan» aktsııasy aıasynda ekologııalyq sharalar marafony bastaldy.
Tazalyq sharasyna Jambyl oblysy ákiminiń orynbasary Serik Sálemov, aýyl qarııalary men 100-ge jýyq jas qatysty.
Osylaısha kıeli orynnyń aýmaǵy tolyǵymen tazartylyp, kóshetter otyrǵyzyldy.
Ekologııalyq sharada oblys ákiminiń orynbasary prezıdent bastamasymen júzege asyp jatqan aktsııanyń mańyzy joǵary ekenin atap ótip, oǵan jambyldyqtar da belsene atsalysyp jatqanyn jetkizdi.
- «Taza Qazaqstan» ekologııalyq aktsııasy oblystyń barlyq aýdandarynda ótkizilýde. Sonyń biri - Jambyl aýdanyndaǵy Aısha bıbi kesenesiniń aýmaǵyn tazartý jumystary. Jalpy aıtqanda, búgingi kúni oblysta 28 eldimekende ekologııalyq shara uıymdastyryldy. Oǵan 2 myńnan asa adam qatysýda. Osylaısha birligi jarasqan jambyldyqtar saıabaqtar men aryq-atyz, aýlalardy tazartýda. Qazirgi tańda aımaqta 3500-den asa tarıhı-mádenı eskertkish bar. Negizgi basymdyqty sol aýmaqtardy tazalaý, abattandyrý jumysyna berip otyrmyz,- dedi Serik Sálemov.
Aıta keteıik, Jambyl oblysynda jyl basynan beri aktsııa aıasynda 350 shaqyrym kanaldar men aryq júıeleri, 48 myń turǵyn úı aýlalary men 1,3 myń shaqyrym kósheler tazalanyp, 2,8 myń tonna qoqys shyǵaryldy.
Bıyl egiletin 195 myń taldyń búginge 128 myńǵa jýyǵy otyrǵyzylyp, 2,4 myń aǵash sanıtarlyq butaldy.
Aıta keteıik, búgin Memleket basshysy «Jastar» saıabaǵynda aǵash ekti.
