«Taza Qazaqstan» aktsııasy aıasynda 100 myń aǵash egildi

ASTANA. KAZINFORM — 20-27 sáýir kúnderi «Taza Qazaqstan» aktsııasyna 255 myń adam qatysyp, 100 myńǵa jýyq aǵash egildi. Bul týraly QR ETRM Orman sharýashylyǵy jáne janýarlar dúnıesi komıtetiniń tóraǵasy Danııar Turǵambaev aıtyp berdi.

«Prezıdent bastamasymen júzege asqan „Taza Qazaqstan“ aktsııasy aıasynda 20 sáýirde Túrkistan, Jambyl, Qyzylorda, Jetisý, Abaı oblystary men Almaty, Shymkent qalalarynda jáne 27 sáýirde barlyq óńirde kóshet egý kúnderi ótti. Aktsııa kezinde senbilikter ótkizilip, aǵash otyrǵyzyldy. Sharaǵa 255 myńnan astam adam qatysqan. Aktsııa qorytyndysy boıynsha respýblıkamyzda 100 myńǵa jýyq aǵash otyrǵyzyldy», — dedi D. Turǵambaev Ortalyq kommýnıkatsııalar qyzmetinde.

Aǵash egý aktsııalary bıyl kúzde de jalǵasady.

«Jergilikti atqarýshy organdar qalalar men eldi mekender aýmaǵynda qolaıly orta qurýdyń mańyzdylyǵyn eskere otyryp, Prezıdent tapsyrmasyn oryndaý aıasynda eldi mekender aýmaǵynda 15 mln aǵash otyrǵyzý jumysyn júrgizýde. Oblystardyń jáne Astana, Almaty, Shymkent qalalarynyń eldi mekenderin kógaldandyrý men jasyl aımaq qurýdyń óńirlik jospary bekitildi», — dedi komıtet tóraǵasy.

Eske sala ketsek, 2021-2025 jyldary jyl saıyn 3 mln aǵash otyrǵyzý josparlanǵan.

Jalpy ótken úsh jylda 10,3 mln aǵash egilgen.