«Taza Qazaqstan» aktsııasy: aqtóbelikter senbilikke shyqty
ASTANA. KAZINFORM - Aqtóbe oblysynda «Taza Qazaqstan» respýblıkalyq ekologııalyq aktsııasy aıasynda jalpyqalalyq senbilik uıymdastyryldy.
Shara oblystyń búkil aýdanynda jáne qalanyń Ortalyq saıabaǵyndaǵy Týtuǵyr aýmaǵynda, «Ǵashyqtar» alleıasynda, Trıatlon saıabaǵynyń aýmaǵynda jáne t.b oryndarda ótti.
Senbilikke óńir basshysy Ashat Shaharovpen birge oblystyq jáne qalalyq máslıhattardyń depýtattary, memlekettik mekemelerdiń qyzmetkerleri, eńbek ujymdarynyń ókilderi, «Jasyl el» eńbek jasaqtary atsalysty.
Ashat Shaharov jasyleldik sarbazdarmen áńgimelesý barysynda tabıǵatty aıalaý mańyzdy ekenin, bul jumystarǵa jastardyń qosar úlesi zor ekenin atap ótti. 70-ten asa jas «Ǵashyqtar alleıasyndaǵy» trotýarlardy sypyryp, qýraǵan shópterdi jınady.
Sonymen qatar, oblys ákimi Trıatlon saıabaǵy aýmaǵyn qoqystan tazartqan bir top belsendiniń qataryna qosyldy. Jasyl jelekter ósip turǵan aýmaq aramshópterge, qurǵaq shópterge tolyp qalǵan. Bul oryndy 100-ge jýyq adam tazalady.
Búgingi «Taza Qazaqstan» respýblıkalyq ekologııalyq aktsııasy aıasynda uıymdastyrylǵan jalpyqalalyq senbilikte 120 tonnadan asa qoqys jınaldy. Onyń bárin qalalyq polıgon tegin qabyldaıdy.
