Taza Qazaqstan: Aqtaýda 7 myńnan astam aǵash egildi
AQTAÝ. KAZINFORM — Aqtaý qalasynda jyl basynan beri «Taza Qazaqstan» ekologııalyq aktsııasy sheńberinde 7 myńnan astam aǵash egildi.
- Mańǵystaýdyń klımattyq jaǵdaıyna jaqsy beıimdelgen úıeńki, shynar, akatsııa, aıland, bal shegirtke, týıa, arsha jáne qaıyń sekildi aǵash túrleri egildi, - dedi qala ákimi Ábilqaıyr Baıpaqov turǵyndarmen eseptik kezdesýinde.
Kúzgi maýsymynyń ózinde 2 myńnan astam bıikti 4,4 jarym metrlik aǵash egilgen.
Sondaı-aq spýtnıktik túsirilim arqyly zańsyz tógilgen iri qoqys qaldyqtarynyń 17 núktesi anyqtalyp, demeýshilerdiń qoldaýy esebinen tolyq tazartyldy.
Qoqys jınaý alańdaryna zamanaýı 1,1 tekshe metr 500 dana myryshtalǵan eýro qoqys jáshigin satyp alý josparlanyp otyr.
Jalpy Aqtaý qalasynda Prezıdent Qasym-Jomart Toqaevtyń bastamasymen júzege asqan «Taza Qazaqstan» respýblıkalyq aktsııasy aıasynda bıyl 25
is-shara ótkizildi.
Buǵan deıin habarlaǵanymyzdaı, Aqtaý qalasynyń 12 kóshesindegi qıylysqa kedergisiz burylý jolaqtary qosyldy.