«Taza Qazaqstan»: Abaı oblysynda kóktemgi tazalyq jumystary júrgizilýde
SEMEI. KAZINFORM - Respýblıkalyq «Taza Qazaqstan» aktsııasyna Abaı oblysynyń turǵyndary da belsene atsalysýda. Oblysqa qarasty barlyq qalalar men aýdandarda ekologııalyq 2 aılyq bastalyp, oǵan memlekettik, bıýdjettik mekeme qyzmetkerleri, stýdentter, oqýshylar, turǵyndar qatysýda.
Máselen, Kýrchatov qalasyndaǵy senbilikke 700-den astam adam qatysty. Qala kóshelerinen12 birlik tehnıkamen 4450 tekshe metr qoqys shyǵaryldy. 2024 jyldyń josparynda aýla ishindegi aýmaqtarda ósip turǵan aǵashtardy otaý, sondaı-aq 46 qýraǵan aǵashty kesý (barlyǵy 834 aǵashty qamtıdy) jáne ártúrli 4 myń jas kóshet otyrǵyzý bar.
Aqsýat aýdanynda 14 kóshe tazalandy. 70 tonna qatty qaldyqtar shyǵarylyp, 99 660 sharshy metr aýmaq tazartyldy. Іs-sharaǵa 24 bólim men mekeme qyzmetkerleri jáne 170-ten astam adam qatysty. Jalpy aýdan boıynsha 9 aýyldyq okrýgte aktsııa uıymdastyrylyp, oǵan 520 adam qatysty. Nátıjesinde 118 760 sharshy metr aýmaq tazartyldy. Sonymen qatar, bul jumystarǵa 16 birlik tehnıka jumyldyrylyp, 78,8 tonna qatty qaldyqtar shyǵaryldy. Taldar men terekterdi aqtaý jumystary júrgizildi.
Besqaraǵaı aýdanyndaǵy senbilik te joǵary deńgeıde ótti. Ekologııalyq aktsııaǵa aýdannyń 4 myńnan astam turǵyny jáne 8 birlik tehnıka tartyldy. Kókpekti aýdanynda 4 myńǵa jýyq adam, 34 tehnıka jumyldyryldy. Tazartylǵan aýmaqtar boıynsha 42 tonna turmystyq qaldyq shyǵaryldy.
Oblysymyzda tazalyq jumystarynan bólek, kógaldandyrý jumystary da qatar júrgizilýde. Mysaly, Aıagóz aýdanynda qalany abattandyrý jáne kógaldandyrý maqsatynda 300 túp terek, 100 túp qyzyl taý sheteni, 100 túp qaıyń, 200 túp qaraǵash, 200 túp shyrsha otyrǵyzý jumystaryn júrgizý josparlanýda. Maqanshy aýdanynda 100-den astam kóshet otyrǵyzyldy.
Respýblıka kólemindegi aýqymdy aktsııaǵa oblysymyzdyń kez-kelgen azamaty qatysa alady.
