«Taza Qazaqstan»: Abaı oblysynda 5700-den astam ekologııalyq quqyq buzýshylyq anyqtaldy
SEMEI. KAZINFORM – Abaı oblysynda jyl basynan beri 5772 ekologııalyq quqyq buzýshylyq tirkeldi.
Óńirde tártip saqshylary «Taza Qazaqstan» aktsııasy aıasynda qoǵamdyq tártipti nyǵaıtý, qorshaǵan ortanyń tazalyǵyn saqtaý jáne eldi mekenderdiń sanıtarlyq jaǵdaıyn jaqsartý baǵytynda reıdterge shyǵyp jatyr.
- 2026 jyldyń basynan beri oblys boıynsha jalpy sany 5772 quqyq buzýshylyq jasaldy. Atap aıtqanda, 464-i ortaq paıdalanylatyn oryndardy lastaý faktileri bolsa, qalalar men eldi mekenderdiń aýmaqtaryn abattandyrý qaǵıdalaryn buzý, ınfraqurylym obektilerin búldirý, jasyl jelekterge zaqym keltirý sııaqty ekologııalyq buzýshylyqtar boıynsha 5308 derek anyqtalǵan, - dep habarlady Abaı oblystyq polıtsııa departamentinen.
Sonymen qatar halyq arasynda sanıtarlyq talaptardy saqtaý, qoǵamdyq oryndardyń tazalyǵyn qamtamasyz etý jáne ekologııalyq jaýapkershilikti arttyrý máseleleri boıynsha aqparattyq-túsindirý jumystary kúsheıtildi.
Eske salsaq, osyǵan deıin «Taza Qazaqstan» ekologııalyq aktsııasy aıasynda Ulytaý oblysynda «Túlekterdiń aǵash egý» eko-chellendji ótkeni habarlanǵan.
