«Taza Qazaqstan»: 189 myń tonna qoqys jınalyp, 2 mln aǵash otyrǵyzyldy
ASTANA. KAZINFORM — Ekologııalyq aktsııaǵa jalpy sany 2 mln-ǵa jýyq adam qatysty. Tolyǵyraq Ekologııa jáne tabıǵı resýrstar mınıstri Erlan Nysanbaev aıtyp berdi.
— Bıyl «Taza Qazaqstan» bastamasy aıasynda elimizde respýblıkalyq jáne halyqaralyq aktsııalardy qosa alǵanda barlyǵy 573 is-shara ótti, — dedi Erlan Nysanbaev Úkimet otyrysynda.
Іs-sharalardyń nátıjesinde:
— 189 myń tonna qoqys jınaldy;
— 735 myń ga aýmaq tazartyldy;
— 2 mln-nan astam aǵash otyrǵyzyldy.
— Ekologııalyq aktsııaǵa jalpy sany 2 mln-ǵa jýyq adam qatysty. Onyń ishinde 156 myń volonter bar. «Taza Qazaqstan» bastamasyna memlekettik organdar ǵana emes, qoǵamdyq uıymdar da keńinen qatysyp jatyr, — deıdi vedomstvo basshysy.
Onyń ishinde:
— «Aýyl» partııasynyń «Taza 25 shaqyrym» aktsııasy;
— Bıznes ókilderiniń qatysýymen 281 eko-aktsııa ótti;
— ERG kompanııalar toby 3 mıllıon túp kóshet otyrǵyzady;
— Samuryq-Qazyna qory 137 myń kóshet otyrǵyzyp jatyr;
— «Qazaqmys» korporatsııasy Balqash kólin saqtaýǵa 5 mln dollar kóleminde ınvestıtsııa salý sheshimin qabyldady.
— Memlekettik organdar, bıznes pen qoǵamdyq uıymdar atsalysyp, elimiz boıynsha qol jetkizilgen aýqymdy jetistikter «Taza Qazaqstan» bastamasy jalpyulttyq qozǵalysqa aınalyp jatqanyn kórsetip otyr, — deıdi ekologııa mınıstri.
Buǵan deıin Úkimet basshysy qoqys tastaıtyn adamdarǵa jazany qatańdatýdy tapsyrdy.
Aıta keteıik, búgin Úkimet otyrysynda «Taza Qazaqstan» bastamasynyń oryndalý barysy talqylanyp jatyr. Ekologııa jáne tabıǵı resýrstar mınıstrliginiń málimetinshe, «Taza Qazaqstan» bastamasynyń aıasynda 2024 jyly keshendi sharalar qabyldandy. Nátıjesinde 2019-2023 jyldary orta eseppen 62 ekologııalyq aktsııa ótkizilse, 2024 jyly bul kórsetkish 183-ke jetti. Eger ótken 5 jylda aktsııalarǵa 2,4 mln adam qatysyp, 900 myń tonna qoqys jınalyp, shamamen 2,5 mln jasyl jelek otyrǵyzylsa, 2024 jyly ekologııalyq aktsııalarǵa 6,2 mln adam qatysyp, 1,1 mln tonna qoqys jınaldy, shamamen 1,6 mıllıon aǵash egildi.