«Taza Qazaqstan»: 153 zańsyz qoqys orny joıyldy
ASTANA. KAZINFORM – Jyl basynan beri polıtsııa 177 myńnan astam ákimshilik quqyq buzýshylyqty tirkep, 248 zańsyz qoqys úıindisin anyqtady. Qabyldanǵan sharalardyń nátıjesinde 153 zańsyz qoqys orny joıyldy. Bul týraly Polisia.kz jazdy.
Іshki ister mınıstrligi «Taza Qazaqstan» respýblıkalyq ekologııalyq baǵdarlamasyn iske asyrýdy jalǵastyryp otyr.
Vedomstvo qatty turmystyq jáne qurylys qaldyqtaryn belgilenbegen oryndarǵa tógýdiń aldyn alýǵa, sondaı-aq suıyq qaldyqtardy arnaıy polıgondardan tys jerlerge aǵyzý faktileriniń jolyn kesýge baǵyttalǵan aýqymdy jumystar júrgizip jatyr.
— Bıyl bes aıda 248 zańsyz qoqys úıindisi anyqtalyp, 177 myńnan astam ákimshilik quqyq buzýshylyq tirkeldi (qoǵamdyq oryndardy lastaý, abattandyrý qaǵıdalaryn buzý). Tıisti sharalar qabyldaý úshin ekologııa departamentteri, jergilikti atqarýshy jáne basqa ýákiletti memlekettik organdarǵa 58 materıal joldandy, — dep habarlady mınıstrlikten.
Sondaı-aq jergilikti atqarýshy organdarǵa anyqtalǵan zań buzýshylyqtardy joıý týraly 172 usynym engizildi. Olardy qaraý nátıjesinde 153 zańsyz qoqys úıindisi joıyldy. Іshki ister mınıstrligi azamattardy ekologııalyq zańnama talaptaryn saqtaýǵa, eldimekenderdiń tazalyǵyn qoldaýǵa jáne qorshaǵan ortaǵa uqypty qaraýǵa shaqyrady.
