Taza qala taza aýladan bastalady - OQO
ShYMKENT. QazAqparat - Bıyl OQO-daǵy «Taza qala» aktsııasyna Eńbekshi aýdanynan 64 aýla men 12 kóshe qatysyp otyr. Júldegerlerdi anyqtaıtyn komıssııa músheleri búgin sońǵy ret sol nysandardy aralap, júrgizilgen jumystarmen tanysty, dep habarlaıdy «Shymkent-Qazaqstan» telearnasy.
Aıtyp óteıik, osymen tórtinshi jyl qatarynan ótkizilip jatqan baıqaýdyń jeńimpazdary qala kúni qarsańynda belgili bolady.
Ǵanı Іlııaev kóshesindegi №115 úıdiń turǵyndary «Úzdik aýla» nomınatsııasy boıynsha úzdik dep tanylýǵa nıetti. Ol úshin eki qabatty úıdegi 12 páter ıeleri de tolyǵymen ter tókken. Jumyla jumys istegenniń arqasynda úı aınalasy ertegiler álemine aınalǵan.
Turatyn jeri taza kóshe atansa, - dep, tyrysqandardyń biri - «Aqsý» kóshesiniń turǵyndary. Olar da osy aktsııa bastalǵaly birigip, kósheni kógaldandyrý jumysyna kirisken. Bul iste ásirese, zeınetkerlikke shyǵyp, úıde otyrǵan qarttar belsendi. Sondaı jannyń biri - Іlııas Toıshıev. Tańnyń atysynan kúnniń batysyna deıin kóshe tazalyǵyn kúzetken qarııa óz isine jurttyń qyzyǵa qaraıtynyn aıtady.
Endi baıqaý shartyna toqtalsaq. Erejege sáıkes, bir jyly júldeli orynnan kóringen kóshe kelesi baıqaýǵa qatysa almaıdy. Ondaǵy maqsat -qalanyń barlyq kóshe turǵyndary men aýla janashyrlaryn osy aktsııaǵa tartý.
Baıqaý máresi jaqyn. Shymkenttiń 4 aýdany boıynsha aktsııaǵa qatysqan barlyq kósheler men aýlalar osy aptanyń sońyna qaraı tolyq baqylaýdan ótedi. Al, qyrkúıektiń 13-i kúni komıssııa otyrysynda jeńimpazdar anyqtalady.
