Taza baldy qalaı ajyratýǵa bolady?
ASTANA. QazAqparat - Baldy kúndelikti tutyný arqyly kez kelgen aýrýdan aıyǵýǵa bolady. Sebebi, bal - adam aǵzasyna qajetti dárýmenderdiń naǵyz qaınar kózi. Eń aldymen, ımmýnıtetti nyǵaıtady, túrli ınfektsııalyq aýrýlardyń aldyn alady. Asqazan, ishek joldarynyń jumysyn jaqsartyp, júıke júıesine de oń áseri bar.
Ulttyq taǵamtaný ortalyǵynyń ǵylymı qyzmetkeri Aıgúl Naǵashybekqyzynyń aıtýynsha, keshkisin jaqsy uıyqtap, tańerteń tynyǵyp turý úshin bir stakan sýǵa bir qasyq bal qosyp ishýdiń paıdasy zor. Omartashy Bekbolat Tashbolatuly qazir jasandy baldyń kóbeıip ketkenin aıtady. «Naǵyz bal eshqashan suıyq bolmaıdy. Jasandy baldy ajyratý úshin ydystyń syrtynan qarasań, arǵy jaǵyn kórýge bolady. Keıbir adamdar bal suıyq bolýy kerek dep esepteıdi. Olarǵa suıyq bal qajet bolsa, osy qoıý baldy alyp, 45 gradýs jyly sýda ustap tur, azdan soń ózi suıylady dep túsindirý kerek», - deıdi ol. Qazaqstannyń «Bal-Ara» ulttyq omartashylar odaǵynyń málimetinshe, álemdegi eń sapaly bal bizdiń elde óndiriledi eken. Onyń 80 paıyzǵa jýyǵy Shyǵys Qazaqstannyń úlesinde, dep habarlaıdy «Qazaqstan» ulttyq arnasy.
